మణిపూర్‌లోని సహాయ శిబిరాల్లో తలదాచుకున్న ప్రజలు అసాధారణంగా చనిపోతున్నారు. తాజాగా 25 మంది మరణించడం కలకలం రేపింది. దీనిపై నివేదిక ఇవ్వాలని సుప్రీంకోర్టు ఆదేశించింది. అలాగే చాలా తక్కువగా పరిహారం ఇవ్వడాన్ని సర్వోన్నత న్యాయస్థానం ప్రశ్నించింది. మణిపూర్‌లో 2023లో జరిగిన జాతి హింసాకాండలో వందలాది మంది మరణించగా వేలాది మంది ప్రజలు నిరాశ్రయులయ్యారు. ప్రభుత్వ సహాయ శిబిరాల్లో వారు తలదాచుకున్నారు. అయితే సహాయక శిబిరాల్లో నివసించే ప్రజలు అసాధారణంగా చనిపోతున్నారు. తాజాగా 25 మంది మరణించడం ఆందోళన […]

ఏపీలో తీవ్రంగా కరువు పరిస్థితులున్నా చంద్రబాబు ప్రభుత్వం పట్టించుకోవడం లేదని మాజీ సిఎం వైఎస్ జగన్  తీవ్ర ఆగ్రహం వ్యక్తం చేశారు. త్వరలోనే కరువు ప్రాంతాల్లో పర్యటిస్తానని కీలక ప్రకటన చేశారు. ప్రభుత్వం  మాటలు నమ్మి రైతులు తీవ్రంగా నష్టపోయారని ఆవేదన చెందారు. ఎల్ నినో ప్రభావం ఉంటుందని ఫిబ్రవరిలోనే వాతావరణ శాఖ హెచ్చరించినా.. ప్రభుత్వం కనీస జాగ్రత్తలు చేపట్టకపోవడమేంటన్నారు. 688 మండలాలు ఉంటే.. 628 మండలాల్లో కరువు ఉందన్నారు.332 మండలాల్లో పరిస్థితులు ఇంకా అధ్వానంగా ఉన్నాయని వివరించారు.

గురువారం కిసాన్ మజ్దూర్ మోర్చా ఆధ్వర్యంలో దీర్ఘకాలంగా పెండింగ్‌లో ఉన్న డిమాండ్ల కోసం పంజాబ్‌ రైతులు రాష్ట్రవ్యాప్తంగా రైల్‌ రోకో చేపట్టారు. పలు రైల్వే స్టేషన్ల వద్ద నిరసనలు తెలిపారు. ఈ నేపథ్యంలో పలు రైళ్లు నిలిచిపోగా, రాకపోకలకు అంతరాయం ఏర్పడింది. మరోవైపు ప్రతిపాదిత భారత్-అమెరికా వాణిజ్య ఒప్పందం, దానివల్ల రైతులకు కలిగే పరిణామాలపై స్పష్టత ఇవ్వాలని పంజాబ్‌ రైతులు డిమాండ్‌ చేస్తున్నారు.  విద్యుత్ సవరణ చట్టంపై ప్రభుత్వ వైఖరి, ప్రతిపాదిత విత్తన చట్టం, సహకార కేంద్రాల […]

మాజీ ముఖ్యమంత్రి కేసీఆర్ ఎర్రవెల్లి వ్యవసాయ క్షేత్రానికి కిలోమీటర్ దూరంలో సర్వే చేయడానికి రెవెన్యూ అధికారులు వచ్చారు. ఈ విషయం తెలుసుకున్న స్థానిక రైతులు రెవెన్యూ అధికారులను అడ్డుకున్నారు. మా భూములు మేము సాగు చేసుకుంటుంటే మీరు ఇప్పుడు ఎందుకు వచ్చి సర్వే చేస్తున్నారు అని వారిని నిలదీశారు. 325 ఎక్కడకు పోలేదు.. ఇక్కడే ఉంది..భూములు మావి ఎక్కడికి పోలేదు.. మంచిగనే ఉన్నయ్‌ సార్..  మరి దేనికోసం చేస్తున్నరని మాకు డౌట్‌ ఉంటది కదా అని రైతు అడిగారు.

ఆస్ట్రేలియాలోని మెల్బోర్న్ లో జరిగిన రోడ్డు ప్రమాదంలో ఇద్దరు విశాఖవాసులు మృతి చెందారు.విశాఖకు చెందిన జీటీ ప్రసాద్ తన భార్యతో కలిసి శుభకార్యంలో పాల్గొనేందుకు ఆస్ట్రేలియా వెళ్లారు. మెల్బోర్న్ లో జరిగిన రోడ్డు ప్రమాదంలో ప్రసాద్ భార్య, కోడలు మృతి చెందగా..    కారు డ్రైవర్కు తీవ్ర గాయాలయ్యాయి. తన కళ్లెదుటే కారు ప్రమాదంలో భార్య, కోడలు నేహా మృతి చెందటంతో ఆయన తీవ్ర దిగ్భ్రాంతికి గురయ్యారు. జీటీ ప్రసాద్ గతంలో  వీడీసీఏలో జాయింట్ సెక్రటరీగా పనిచేశారు.

గ్రూప్-1, గ్రూప్-2 అభ్యర్థుల వయోపరిమితిని 47 ఏళ్లకు పెంచేలా ప్రభుత్వంపై ఒత్తిడి తేవాలని కోరుతూ పలువురు నిరుద్యోగులు మాజీ సీఎం వైఎస్ జగన్మోహన్ రెడ్డిని కలిశారు. ప్రభుత్వం ఇచ్చిన రెండేళ్ల వయో సడలింపు సరిపోదని ఆవేదన వ్యక్తం చేశారు. గతంలో రెగ్యులర్ గా నోటిఫికేషన్లు రాకపోవడం వల్లే వయోపరిమితి దాటిపోయి లక్షలాది మంది యువత ఉద్యోగ అవకాశాలు కోల్పోతున్నామని ఫిర్యాదు చేశారు. ముఖ్యంగా గ్రూప్-1 నోటిఫికేషన్ విడుదలైన నేపథ్యంలో ఈ అంశంపై ప్రభుత్వం తక్షణమే సానుకూల నిర్ణయం తీసుకునేలా […]