టిమ్ సైఫెర్ట్ (58 పరుగులు, 33 బంతుల్లో), ఫిన్ అలెన్ (100 పరుగులు, 33 బంతుల్లో- 10 ఫోర్లు, 8 సిక్స్​లు) విధ్వంసం సృష్టించారు. తొలి వికెట్​కు 117 పరుగులు జోడించారు. టీ20 వరల్డ్​కప్​లో అత్యంత వేగవంతమైన సెంచరీ బాదిన క్రికెటర్​గా ఫిన్ అలెన్ రికార్డు సృష్టించాడు. అతడు కేవలం 33 బంతుల్లో 100 పరుగుల మార్క్ అందుకున్నాడు.

మావోయిస్టు ఉద్యమ చరిత్రలో ఒక సుదీర్ఘ అధ్యాయం ముగింపు దశకు చేరుకుంది. దశాబ్దాల పాటు అజ్ఞాతంలో ఉండి, దేశవ్యాప్త విప్లవ ఉద్యమానికి నాయకత్వం వహించిన ముప్పాళ్ల లక్ష్మణరావు అలియాస్ గణపతి లొంగుబాటు వార్తలు ప్రస్తుతం దేశవ్యాప్తంగా పెను సంచలనం సృష్టిస్తున్నాయి.ఢిల్లీ పర్యటనలో ఉన్న సీఎం రేవంత్ రెడ్డి, కేంద్ర హోంమంత్రి అమిత్ షా సమక్షంలో ఈ లొంగుబాటు ప్రక్రియను పూర్తి చేసే అవకాశం ఉంది.

కాకినాడ జిల్లా వేట్లపాలెం బాణసంచా పేలుడు ఘటనలో మృతుల సంఖ్య 26కి చేరింది. కాకినాడ జీజీహెచ్‌లో చికిత్స పొందుతూ కాతేటి శ్రీను (35), చిటికెల లక్షి (45) ఇద్దరు మృతి చెందారు. వేట్లపాలెం ఘటనకు సంబంధించి శాసనసభలో సీఎం చంద్రబాబు మృతులు 26 మంది అని ఈ ప్రమాదంలో మరణించినట్లు ప్రకటించారు. ఆ తర్వాత మరణించిన వారికి సీఎం చంద్రబాబు, సభలోని సభ్యులు రెండు నిమిషాల పాటు తమ సంతాపాన్ని తెలియజేశారు.

విజయ్ దేవరకొండ, రష్మికా మందన్నాల పెళ్లి ఫిబ్రవరి 26న ఉదయ్‌పూర్‌లో జరిగింది. ఇవాళ (మార్చి 4వ తేదీన) హైదరాబాద్ సిటీలో రిసెప్షన్ జరుగుతుంది. దీనికి పలువురు సెలబ్రిటీలు హాజరయ్యారు. రష్మికా మందన్నా తల్లిదండ్రులు మదన్ మందన్నా, సుమన్ మందన్నా విజయ్ దేవరకొండ తల్లిదండ్రులు గోవర్ధన్ రావు – మాధవి, తమ్ముడు ఆనంద్ దేవరకొండతో దేవరకొండ – మందన్నా ఫ్యామిలీలు స్పెషల్ ఎట్రాక్షన్ గా నిలిచాయి.

ఇద్దరి విద్యార్థుల మధ్య గొడవ నిలువరించే క్రమంలో దుర్భాషలాడిన టీచర్‌పై ఓ పదోతరగతి విద్యార్థి దాడి చేశాడు. ఈ ఘటన ఎన్టీఆర్ జిల్లా బాపులపాడు మండలం వీరవల్లి జిల్లా పరిషత్ హైస్కూల్‌లో చోటుచేసుకుంది. పదో తరగతి విద్యార్థి సదరు టీచర్‌పై పిడిగుద్దులు కురిపిస్తుండగా.. అక్కడే ఉన్న విద్యార్థులు, టీచర్లు అతన్ని అడ్డుకున్నారు. మా అమ్మను తిడతాడా..? అని ఆ విద్యార్థి అంటున్న వీడియో ఇప్పుడు నెట్టింట హల్ చల్ చేస్తోంది.