కర్ణాటకలో విషాదం చోటుచేసుకుంది.యాద్గిర్ జిల్లా కడేచూర్-బడియాలా పారిశ్రామిక ప్రాంతంలో ఓ ఫ్యాక్టరీలో రసాయన వాయువు లీక్ అయిన ఘటనలో ముగ్గురు ప్రాణాలు కోల్పోయారు. మరో ఇద్దరి పరిస్థితి విషమంగా ఉంది.మృతులను విక్రమ్, సంజయ్, గణేష్‌గా గుర్తించారు. సంజయ్, విక్రమ్‌లది మధ్యప్రదేశ్‌‌లోని కత్ని జిల్లా కాగా.. గణేష్‌ది తెలంగాణలోని మహబూబ్‌నగర్ జిల్లా. అనంతపురం జిల్లాకు చెందిన హేమంత్, శివకుమార్ అనే మరో ఇద్దరు తీవ్ర అస్వస్థతకు గురయ్యారు.

జార్ఖండ్‌లో ఇటీవల జరిగిన జేపీఎస్‌సీ పేపర్ లీకేజీని వ్యతిరేకిస్తూ అక్కడి విద్యార్థి సంఘాలు గత నెల 25 నుంచి ఆందోళన చేస్తున్న సంగతి తెలిసిందే. జార్ఖండ్ విద్యార్థి నాయకుడు దేవేంద్రనాథ్ మహతోపాటు మరో ఐదుగురు విద్యార్థులు రాజధాని రాంచీలో ఆమరణ నిరాహార దీక్ష చేస్తున్నారు.ఈ అవకతవకలపై సీబీఐ విచారణ జరిపించాలని, నిందితులపై కఠిన చర్యలు తీసుకోవాలని కోరుతున్నారు.ఈ నేపథ్యంలో జార్ఖండ్ ప్రభుత్వం స్పందించింది. విద్యార్థి నేతలతో చర్చలకు సిద్ధమని ప్రకటించింది.

తూర్పుగోదావరి జిల్లాలో మాజీ ముఖ్యమంత్రి జగన్‌మోహన్‌రెడ్డి పర్యటనలో కల్పించిన భద్రతా ఏర్పాట్లపై మాజీ మంత్రి అమర్‌నాథ్ పోలీసు యంత్రాంగం వ్యవహారశైలిని తీవ్రంగా తప్పుబట్టారు. ‘జడ్ ప్లస్’ కేటగిరి భద్రత పొందాల్సిన మాజీ సీఎం హెలిప్యాడ్ వద్దకు భారీ సంఖ్యలో ప్రజలు, అభిమానులు చేరుకున్నప్పటికీ, వారిని నియంత్రించేందుకు కనీస స్థాయిలో కూడా భద్రతా సిబ్బంది లేకపోవడం ప్రభుత్వ ముమ్మాటికీ నిర్లక్ష్యమేనని ఆరోపించారు. సాయంత్రం వరకు ఉన్న పకడ్బందీ పోలీసు బందోబస్తు,  తెల్లవారేసరికి పూర్తిగా మాయమవడం వెనుక పెద్ద కుట్ర ఉందేమోనన్న అనుమానాలు కలుగుతున్నాయని అన్నారు.

ప్రైవేటు ఇంటర్మీడియట్ కళాశాలల నకిలీ ఎన్‌ఓసీల (NOC) స్కామ్‌కు సంబంధించి దర్యాప్తులో భాగంగా మరొక దిగ్భ్రాంతికరమైన విషయం బయటపడింది ఏకంగా 8 కాలేజీలు ‘హైడ్రా’ కమిషనర్ రంగనాథ్ సంతకాలను ఫోర్జరీ పద్ధతిలో మరికొన్ని కాలేజీల యాజమాన్యాలు అగ్నిమాపక శాఖ మాజీ డీజీ నాగిరెడ్డి సంతకాలను సైతం ఫోర్జరీ చేసినట్లు అధికారులు తాజాగా గుర్తించారు. అగ్నిమాపక శాఖలో నాగిరెడ్డి లేనప్పటికీ, ఆయన సంతకాలతో కూడిన ఫైర్ సర్టిఫికెట్లు రావడంపై అనుమానం వచ్చిన అధికారులు వెంటనే దీనిపై అంతర్గత విచారణ చేపట్టారు.

ట్రైనీ ఐపీఎస్ ఎం. ఉదయ్ కృష్ణారెడ్డిని పోలీసులు కస్టడీలోకి తీసుకోనున్నారు. సహచర మహిళా ట్రైనీ ఐపీఎస్పై లైంగిక వేధింపుల కేసులో అతడు అరెస్టయిన విషయం తెలిసిందే. మరిన్ని వివరాలు రాబట్టాల్సి ఉన్నందున ఉదయ్ కృష్ణారెడ్డిని కస్టడీకి ఇవ్వాలని ఉప్పరపల్లి కోర్టును  పోలీసులు కోరారు. దీంతో రెండ్రోజుల పోలీసు కస్టడీకి కోర్టు అనుమతించింది.

మెటా (ఫేస్‌బుక్, ఇన్‌స్టాగ్రామ్) సీఈవో మార్క్ జుకన్‌బర్గ్ క్షమాపణ చెప్పారు. డీప్‌ఫేక్ కంటెంట్ వ్యాప్తి, చైల్డ్ సెక్సువల్ అబ్యూజ్ కంటెంట్ (సీఎస్‌ఏఎం), ప్లాట్‌ఫామ్ నిర్వహణలో పొరపాట్లను అంగీకరించిన మెటా సీఈఓ మార్క్ జుకర్‌బర్గ్ కేంద్ర ప్రభుత్వానికి క్షమాపణలు తెలిపినట్లు ప్రభుత్వ వర్గాలు వెల్లడించాయి. కేంద్రంతో జరిగిన ఉన్నతస్థాయి సమావేశంలో మెటా ప్రతినిధులు తమ నిర్వహణలో జరిగిన తప్పులను అంగీకరించి విచారం వ్యక్తం చేసినట్లు తెలిపాయి.

తెలంగాణలో ‘డయల్ 100’ స్థానంలో ఇకపై అన్ని ఎమర్జెన్సీ సేవలకు ఒకే నంబర్ ‘112’ అందుబాటులో ఉండనుంది. పోలీస్, అంబులెన్స్, అగ్నిమాపక సేవలకుగాను ‘డయల్ 112’ ఎమర్జెన్సీ నంబర్‌ను డీజీపీ సీవీ ఆనంద్ ప్రారంభించారు. డయల్ 112 వచ్చినపుడు పోలీసులు ఆ కాల్ ఎట్టి పరిస్థితుల్లోను తిరస్కరించడానికి వీల్లేదు.. డయల్ 112 కాల్ రాగానే కాలర్ లొకేషన్ కోసం అడ్వాన్స్ టూల్స్ వాడుతున్నాము. యువ IPSలు, AI టెక్నాలజీ వాడే వారిని ఇందులో భాగస్వామ్యం చేయబోతున్నామని డీజీపీ […]