మహిళా రిజర్వేషన్ల చట్టం అమలుకు తీసుకొచ్చిన రాజ్యాంగ సవరణ బిల్లు లోక్‌సభలో వీగిపోయింది. 131వ రాజ్యాంగ సవరణ బిల్లు-2026కు మూడింట రెండొంతుల మెజారిటీ కావాల్సి ఉంది. కానీ ఈ బిల్లుకు కావాల్సినంత మంది సభ్యుల మద్దతు రాలేదు. బిల్లుకు అనుకూలంగా 298 ఓట్లు, వ్యతిరేకంగా 230 ఓట్లు వచ్చాయి. ఓటింగ్‌కు 528 మంది సభ్యులు హాజరు కాగా.. బిల్లు ఆమోదానికి 326 ఓట్లు కావాల్సి ఉంది. ఈ మద్దతును ఎన్డీయే కూడగట్టలేకపోయింది.

ఇరాన్ విదేశాంగ మంత్రి అబ్బాస్ అరాగ్చీ వెల్లడించిన ప్రకారం.. అన్ని వాణిజ్య నౌకల రాకపోకలకు అనుమతి ఇస్తూ హర్మూజ్ జలసంధిని తిరిగి పూర్తిస్థాయిలో అందుబాటులోకి తెచ్చినట్టు స్పష్టం చేశారు. లెబనాన్‌లో పరిస్థితులు శాంతించడంతో పాటు.. కాల్పుల విరమణ ఒప్పందం అమల్లో ఉన్నంత వరకు ఈ నిర్ణయం కొనసాగుతుందని వెల్లడించారు. ఈ విషయాన్ని ఆయన సోషల్ మీడియా వేదికగా కూడా ప్రకటించారు.

కాంగ్రెస్ అగ్రనేత, లోక్‌సభ ప్రతిపక్ష నాయకుడు రాహుల్ గాంధీకి లక్నో హైకోర్టులో గట్టి ఎదురుదెబ్బ తగిలింది. ఆయనపై ఉన్న ద్వంద్వ పౌరసత్వం ఆరోపణలకు సంబంధించి తక్షణమే FIR నమోదు చేయాలని కోర్టు ఉన్నత స్థాయి అధికారులను ఆదేశించింది. 2024లో కర్ణాటకకు చెందిన బీజేపీ కార్యకర్త విఘ్నేశ్ దాఖలు చేసిన పిటిషన్‌పై విచారణ చేపట్టిన ధర్మాసనం, ఈ వివాదంలో ప్రాథమిక విచారణ అవసరమని భావించింది. రాహుల్ గాంధీకి బ్రిటీష్ పౌరసత్వం కూడా ఉందనేది పిటిషనర్ ప్రధాన ఆరోపణ.

పంజాబ్‌లోని లూథియానాతో పాటు చండీగఢ్, అంబాలా వంటి నగరాల్లో ఇటీవల వైరల్ అవుతున్న కొన్ని వీడియోలు ప్రజలను భయాందోళనకు గురిచేస్తున్నాయి. యువకులు వింతగా ప్రవర్తిస్తూ, గంటల తరబడి కదలకుండా ఒకే స్థితిలో ఉండిపోతున్న ఈ దృశ్యాలు వైరల్ అవుతున్నాయి. వీరంతా జోంబీ డ్రగ్ బాధితులుగా అనుమానిస్తున్నారు. వైద్య పరిభాషలో దీనిని జైలాజిన్ (Xylazine) అని పిలుస్తారు. ఇది తీసుకున్న వ్యక్తి నాడీ వ్యవస్థపై తీవ్ర ప్రభావం చూపి, వారిని గంటల తరబడి స్పృహ లేని జోంబీ లాగా […]

దళిత, గిరిజన, వెనుకబడిన వర్గాలకు చెందాల్సిన న్యాయమైన హక్కులను మోదీ సర్కార్ ఈ పునర్విభజన ప్రక్రియ ద్వారా లాక్కోవాలని చూస్తోందని రాహుల్ ఆరోపించారు. దక్షిణాది రాష్ట్రాల గొంతు నొక్కడానికి బీజేపీ ఈ కుట్రకు తెరలేపిందని ఆయన విమర్శించారు. నియోజకవర్గాల పునర్విభజన పేరిట పార్లమెంటులో తమ బలాన్ని అడ్డదారిలో పెంచుకునేందుకు అధికార పక్షం తీవ్రంగా ప్రయత్నిస్తోందని ఆయన స్పష్టం చేశారు. మహిళా రిజర్వేషన్ల ముసుగులో వారు ఆడుతున్న రాజకీయ నాటకాలను దేశ ప్రజలు గమనిస్తున్నారని అన్నారు.

పార్లమెంటు ప్రత్యేక సమావేశాల్లో మహిళా రిజర్వేషన్ బిల్లుపై ప్రతిపక్ష నేత రాహుల్ గాంధీ కేంద్ర ప్రభుత్వంపై తీవ్ర స్థాయిలో విరుచుకుపడ్డారు. ఈ బిల్లు ముసుగులో దేశ ఎన్నికల రూపురేఖలను మార్చడానికి మోదీ సర్కార్ పెద్ద కుట్ర చేస్తోందని ఆయన బహిరంగంగా ఆరోపించారు. దేశంలో అప్పటికే మహిళా రిజర్వేషన్ బిల్లు ఏకగ్రీవంగా ఆమోదం పొందిందని మహిళలకు రిజర్వేషన్లు కల్పించాలనే నెపంతో నియోజకవర్గాల పునర్విభజన తీసుకురావడం పూర్తి జాతి వ్యతిరేక చర్య అని ఆయన తీవ్రంగా విమర్శించారు.

లోక్‌సభలో మహిళా రిజర్వేషన్ బిల్లు , నియోజకవర్గాల పునర్విభజన పై జరిగిన చర్చ సందర్భంగా బాలాకోట్ నుంచి ఆపరేషన్ సిందూర్ వరకూ అన్నింటికీ మోదీ మెజిషియన్ అని రాహుల్ విమర్శించారు. మెజీషియన్ పోలికపై స్పీకర్ ఓం బిర్లా అభ్యంతరం వ్యక్తం చేశారు. ఈ అంశంపై బీజేపీ నేతలు తీవ్ర అభ్యంతరం వ్యక్తం చేశారు. దీంతో స్పీకర్ .. రాహుల్ గాంధీ చేసిన మెజిషియన్ వ్యాఖ్యలను రికార్డుల నుంచి తొలగిస్తున్నట్లుగా ప్రకటించారు. కేంద్ర ప్రభుత్వం ప్రతిపాదించిన బిల్లును దేశ […]

ఉప్పల్ మెట్రో స్టేషన్ కు బాంబు బెదిరింపు వచ్చింది. గుర్తు తెలియని వ్యక్తి ఫోన్ కాల్ చేసి ఉప్పల్ మెట్రో స్టేషన్ లో బాంబు పెట్టామని బెదిరించడంతో స్థానిక పోలీసులు డాగ్ స్కాడ్ సహాయంతో తనిఖీలు చేపట్టారు. ఎక్కడా బాంబు పెట్టిన ఆనవాళ్లు లేకపోవడంతో ఊపిరి పీల్చుకున్నారు. అనుమానాస్పద వస్తువలేవీ కనిపించలేదని పోలీసులు తెలిపారు. ఫోన్ చేసిన వ్యక్తి గురించి పోలీసులు ఆరా తీస్తున్నారు.