మియాపూర్‌లోని 550 ఎకరాల భూములను కొల్లగొట్టేందుకు కేసీఆర్‌, ఆయన బంధువులు అనేక రకాలుగా ప్రయత్నించారని సీఎం రేవంత్ రెడ్డి ఆరోపించారు. భూములను కొట్టేసేందుకు గోల్డ్‌స్టోన్‌ ప్రసాదరావు ప్రయత్నించారన్న ఆయన ఈ భూముల విషయంలోనే బీఆర్​ఎస్ రాజ్యసభ ఎంపీ దామోదరరావుకు ప్రసాదరావు ఖరీదైన కారు బహుమతిగా ఇచ్చారని అన్నారు. మియాపూర్‌లోని 550 ఎకరాల విషయంలో రాష్ట్రానికి అనుకూలంగా సుప్రీంకోర్టు తీర్పు ఇచ్చిందని, సుప్రీంకోర్టులో బలమైన వాదనలు వినిపించి రూ.50 వేల కోట్ల ఆస్తిని కాపాడుకోగలిగామని పేర్కొన్నారు.

అర్నబ్ తుపాను ప్రభావంతో శ్రీకాకుళం జిల్లా అతలాకుతలమైంది. మూడు రోజులుగా ఎడతెరపి లేకుండా కురిసిన వర్షాలకు వంశధార, నాగావళి, మహేంద్రతనయ, బహుదా నదులు ఉప్పొంగి ప్రవహిస్తున్నాయి. శుక్రవారం సాయంత్రం నాటికి నదులకు వరద తగ్గుముఖం పట్టే అవకాశం ఉంది. సంతబొమ్మాళి మండలం మూలపేట, విష్ణుచక్రం ఆర్అండ్ఆర్ కాలనీలో వరదనీరు చేరింది. జిల్లాలోని లోతట్టు ప్రాంతాల్లో ఇంకా ముంపు కొనసాగుతోంది. టెక్కలి-నౌపడ రహదారిలో వరద నీరు ప్రవహిస్తోంది. ఆమదాలవలస మండలం నెల్లిమెట్ట గ్రామం జలదిగ్బంధంలోనే ఉంది. రెల్లిగెడ్డ ఉద్ధృతికి […]

ఎయిర్‌పోర్ట్స్ అథారిటీ ఆఫ్ ఇండియా (AAI) నిర్వహణలో ఉన్న 11 ప్రధాన విమానాశ్రయాలను పబ్లిక్-ప్రైవేట్ పార్ట్‌నర్‌షిప్ (PPP) పద్ధతిలో ప్రైవేట్ ఆపరేటర్లకు అప్పగించేందుకు సన్నాహాలు వేగవంతం చేసింది. ఇందులో భాగంగా డిసెంబర్ 2026 నాటికి గ్లోబల్ బిడ్లను ఆహ్వానించాలని యోచిస్తోంది. పంజాబ్‌లోని అమృత్‌సర్, హిమాచల్ ప్రదేశ్‌లోని కాంగ్రా-గగ్గల్,ఉత్తరప్రదేశ్‌కు చెందిన వారణాసి,ఖుషినగర్‌,బీహార్‌లోని గయా, ఒడిశాలోని భువనేశ్వర్, కర్ణాటకలోని హుబ్బళ్లి, నాలుగో బండిల్‌లో ఛత్తీస్‌గఢ్‌లోని రాయ్‌పూర్, మహారాష్ట్రలోని ఛత్రపతి శంభాజీనగర్ (ఔరంగాబాద్), తమిళనాడులోని తిరుచిరాపల్లి, ఆంధ్రప్రదేశ్‌లోని తిరుపతి విమానాశ్రయాలు.

కోకాపేటలో ప్రెస్టీజ్ అపార్ట్‌మెంట్స్‌లో లాస్య లహరి (15) అనే యువతిని చదువుపై దృష్టి పెట్టాలని తల్లి పలుమార్లు మందలించింది. శనివారం కూడా కాలేజీకి వెళ్లాలని మంచిగా చదువుకోవాలని కూతురుకు తల్లి చెప్పడంతో లాస్య మనస్థాపానికి గురై 23వ అంతస్థు నుంచి దూకడంతో ఆమె ఘటనా స్థలంలోనే చనిపోయింది విద్యార్థిని మృతికి దారితీసిన పరిస్థితులు, కుటుంబ నేపథ్యం, ఇతర కారణాలపై పోలీసులు ఆరా తీస్తున్నారు.

అంబేద్కర్ కోనసీమ జిల్లా అంబాజీపేట మండలం మాచవరం గ్రామంలో మరోసారి ఓఎన్జీసీ గ్యాస్ లీకేజీ కలకలం రేపింది. పంట పొలాల్లో ఉన్న గ్యాస్ పైప్‌లైన్ నుంచి మరోసారి గ్యాస్ లీక్ కావడంతో స్థానికులు తీవ్ర భయాందోళనకు గురయ్యారు. ఈ నెల 26వ తేదీన ఇదే ప్రాంతంలో గ్యాస్ పైప్‌లైన్ లీకై కలకలం సృష్టించగా, తాజాగా అదే పైప్‌లైన్ మరోసారి లీక్ కావడం గ్రామస్తుల్లో ఆందోళనకు కారణమైంది. పైప్‌లైన్ నుంచి గ్యాస్ ఎగసిపడటంతో చుట్టుపక్కల ప్రాంతమంతా గ్యాస్ వాసన […]