సీబీఎస్‌ఈ స్కూళ్లలో త్రిభాషా విధానాన్ని అమలు చేస్తూ గతంలో బోర్డు (కేంద్ర ప్రభుత్వం) నిర్ణయం తీసుకున్న సంగతి తెలిసిందే.అత్యవసరంగా త్రిభాషా విధానం అమలు చేయాల్సిన అవసరం లేదని కొందరు సుప్రీంకోర్టును ఆశ్రయించారు. దీనిపై విచారణ జరుపుతున్న సుప్రీంకోర్టు సీబీఎస్‌సీ బోర్డును, కేంద్రాన్ని ప్రశ్నించింది. త్రిభాషా విధానంపై సమీక్షించాలని సూచించింది. అత్యవసరంగా దీన్ని అమలు చేయాల్సిన అవసరం ఏంటని బోర్డును ప్రశ్నించింది. మరో పది రోజుల్లో ఈ కేసుపై తదుపరి విచారణ జరుపుతామని చెబుతూ కేసును వాయిదా వేసింది.

జనసేన ఏపీ రాజ్యసభ ఎంపీ లింగమనేని రమేష్ కుమారుడు సంజూష్ పై హైదరాబాద్ లోని మాదాపూర్ రోడ్డు ప్రమాదం కేసు నమోదయింది. ఈ నెల 16న కారుతో యువతిని సంజూష్ ఢీకొట్టాడు. ఈ ప్రమాదంలో ఘటనాస్థలిలోనే సదరు యువతి అక్కడికక్కడే మృతి చెందింది. ఈ ఘటనపై కేసు నమోదు చేసిన పోలీసులు.. దర్యాప్తు చేపట్టారు. ఎంపీ లింగమనేని కుమారుడు సంజూష్ కారు నడిపినట్లు నిర్ధారించారు. ఈ మేరకు సంజూష్ పై పోలీసులు BNS 106(1) సెక్షన్ కింద […]

రంగారెడ్డి జిల్లా ఇబ్రహీంపట్నం ఆర్డీవో కార్యాలయంలో అడ్మిన్ అధికారిగా విధులు నిర్వహిస్తున్న శ్రీనివాస్ రెడ్డి ఇంట్లో ఏసీబీ చేపట్టిన సోదాల్లో భారీగా ఆస్తులు బహిర్గతమయ్యాయి. కిలోకు పైగా బంగారం, 8 ప్లాట్లు, యాచారంలో 10 ఎకరాల భూమి, హస్తినాపురంలో మూడంతస్తుల భవనం, 7 బ్యాంకు ఖాతాల్లో రూ.8 లక్షలు, ఇంట్లో రూ.4 లక్షలు, 3 కార్లు, 3 ద్విచక్ర వాహనాలు గుర్తించారు. బహిరంగ మార్కెట్ వీటి విలువ రూ.100 కోట్ల పైగానే ఉంటుందని అంచనా.

తెలంగాణ మంత్రి కొండా సురేఖ మాజీ ఓఎస్డీ సుమంత్‌పై పోలీసులు కేసు నమోదు చేశారు. అటెంప్ట్ మర్డర్ కింద కేసు నమోదు చేసినట్లు సమాచారం. మేడిపల్లి పోలీస్ స్టేషన్‌లో గొంగడి హరికృష్ణ ఇచ్చిన ఫిర్యాదు మేరకు కేసు నమోదైంది. తనపై సుమంత్‌తో పాటు మరో ఐదుగురు ఇనుప రాడ్లతో దాడి చేసినట్లు హరికృష్ణ ఫిర్యాదులో పేర్కొన్నారు. ఈ ఫిర్యాదు ఆధారంగా సుమంత్ సహా మొత్తం ఆరుగురిపై పోలీసులు కేసు నమోదు చేశారు. సుమంత్‌పై బీఎన్‌ఎస్ సెక్షన్ 109 […]

ఝార్ఖండ్ రాష్ట్రంలో జరుగుతున్న నియామక పరీక్షల రద్దు వ్యవహారంలో కీలక పరిణామాలు చోటు చేసుకున్నాయి. ఇటీవల రాష్ట్ర ప్రభుత్వం 11, 13వ జేపీఎస్‌సీ పరీక్షలు మరియు ఇతర నియామకాలను రద్దు చేస్తూ ఉత్తర్వులు జారీ చేసింది. అయితే, ఈ నిర్ణయాన్ని కొత్తగా నియమితులైన ఉద్యోగులు న్యాయస్థానంలో సవాల్ చేశారు. ఈ నేపథ్యంలో, ఝార్ఖండ్ హైకోర్టు ఈ ప్రభుత్వ నిర్ణయంపై స్టే విధిస్తూ తీర్పు ఇచ్చింది.