నిధుల దుర్వినియోగం, అవినీతి ఆరోపణల కేసులో 1996 బ్యాచ్‌కు చెందిన సీనియర్ ఐపీఎస్ అధికారి ఎన్. సంజయ్‌కు రాష్ట్ర ప్రభుత్వం భారీ షాక్ ఇచ్చింది. అడిషనల్ డీజీపీ హోదాలో ఉన్న ఆయన సస్పెన్షన్‌ను ప్రభుత్వం మరోమారు పొడిగించింది. ఆయన వయోపరిమితి ప్రకారం రిటైరయ్యే 2027 మార్చి 31వ తేదీ వరకు లేదా క్రిమినల్ విచారణ ముగిసే వరకు సస్పెన్షన్ కొనసాగుతుందని స్పష్టం చేసింది. ఈ మేరకు ప్రభుత్వ ప్రధాన కార్యదర్శి జి. సాయిప్రసాద్ కీలక ఉత్తర్వులు జారీ […]

ఏపీలో వెబ్‌ల్యాండ్ డేటాబేస్ హ్యాకింగ్ ముఠా గుట్టు రట్టయింది. ఎన్‌ఐసీ అధికారి యూజర్ ఐడీ దొంగిలించి రికార్డులు మార్చినట్లు సీఐడీ అధికారులు గుర్తించారు. ఈ ఫోర్జరీ కేసులో నెట్‌వర్క్‌లోని నలుగురు నిందితులను సీఐడీ అరెస్టు చేసింది. ప్రకాశం జిల్లా దొనకొండలోని 6.55 ఎకరాల భూమికి సంబంధించిన వెబ్‌ల్యాండ్‌లో ఈ ముఠా అనధికార మార్పులు చేసింది. మ్యుటేషన్ ఉత్తర్వులు లేకుండానే వెబ్‌ల్యాండ్‌లో కొత్త పట్టాదారుల పేర్లు చేర్చింది.

దట్టమైన పొగమంచు కారణంగా.. ఒకే ప్రదేశంలో అటు, ఇటు ఉన్న రహదారులపై కలిపి 86 వాహనాలు ఢీకొన్నాయి. ఈ ఘటనలో 12 మంది మృతి చెందారు. పదుల సంఖ్యలో వాహనదారులు గాయపడ్డారు. బల్గేరియాలో ఈ దుర్ఘటన ఒకే ప్రదేశంలో అటు, ఇటు ఉన్న రోడ్లపై దాదాపు 86 వాహనాలు ఒకదానికొకటి ఢీకొన్నాయి. ఇందులో చాలావరకు ట్రక్కులే ఉన్నాయి. ఘటనా స్థలంలోనే 10 మంది మృతి చెందగా.. ఆసుపత్రికి తరలిస్తుండగా మరో ఇద్దరు ప్రాణాలు కోల్పోయారని మంత్రి కాట్యా […]

బిష్ణుపూర్ ఘరానా సితార్ విద్వాంసుడు పండిట్ మణిలాల్ నాగ్ అనారోగ్య సమస్యల కారణంగా కోల్‌కతాలో కన్నుమూశారు. భారతీయ శాస్త్రీయ సంగీతంలో శకం ముగిసిందని, నాగ్ బిష్ణుపూర్ ఘరానా సంప్రదాయాన్ని ప్రపంచ వేదికపైకి తీసుకెళ్లారు. 87 ఏళ్ల మణిలాల్ నాగ్ కు 2020లో పద్మశ్రీ, 2001లో సంగీత నాటక అకాడమీ పురస్కారం లభించాయి. బిష్ణుపూర్ ఘరానాకు చెందిన తొలి సంగీత విద్వాంసుడిగా ఈ పురస్కారం అందుకున్నారు. పశ్చిమ బెంగాల్ ప్రభుత్వం 2012లో ఆలావుద్దీన్ పురస్కారం, 2015లో బంగా విభూషణ్‌తో […]

గ్రూప్-2 పూర్తిస్థాయి నోటిఫికేషను ఏపీపీఎస్సీ విడుదల చేసింది. పోస్టులను 686 నుంచి 720కి పెంచింది. ఇందులో 471 ఎగ్జిక్యూటివ్, 249 నాన్-ఎగ్జిక్యూటివ్ పోస్టులు ఉన్నాయి. ఆన్ లైన్ దరఖాస్తులు ఇవాల్టి నుంచి డిసెంబర్ 11 రాత్రి 11:59 వరకు సమర్పించవచ్చు. ఫిబ్రవరి 21న ప్రాథమిక పరీక్ష నిర్వహించనున్నారు. ఎగ్జిక్యూటివ్ విభాగంలో 203 డిప్యూటీ తహసీల్దార్, 176 డిప్యూటీ ఎంపీడీవో పోస్టులు ఉన్నాయి. అర్హులైన అభ్యర్థులు కమిషన్ అధికారిక https://portal-psc.ap.gov.in లో OTPR ద్వారా దరఖాస్తు చేసుకోవచ్చు.

| రాష్ట్రంలో కొత్తగా AVGC-XR పాలసీ 2026-31, ఏపీ రోబోటిక్స్ – ఫిజికల్ ఏఐ విధానాలకు ఆమోదం. | ఏపీ సెమీ కండక్టర్, డిస్‌ప్లే ఫ్యాబ్ పాలసీ 2024-29 ముసాయిదా సవరణలకు గ్రీన్ సిగ్నల్. | నాయుడుపేటలో రూ.4000.20 కోట్లతో కార్బన్ కాస్మో బ్యాటరీ మెటీరియల్ తయారీ ప్లాంట్ ఏర్పాటుకు ఆమోదం. | తిరుపతిలో రూ.700 కోట్లతో డిక్సన్ టెక్నాలజీస్‌కు స్థల కేటాయింపునకు ఆమోదం. | విశాఖ జిల్లా భీమునిపట్నంలో రూ.31,387 కోట్లతో AM Intelligence ఆధ్వర్యంలో […]

బంగ్లాదేశ్ మాజీ ప్రధాని షేక్ హసీనా (79) ఒకవేళ మళ్లీ దేశానికి తిరిగివస్తే ఆమెకు విధించిన మరణశిక్షను అమలు చేయడం తప్ప మరో మార్గం లేదని ఆ దేశ ప్రాసిక్యూటర్ స్పష్టం చేశారు. 2024లో ప్రజా తిరుగుబాటును దారుణంగా అణచివేసినందుకు గాను అక్కడి కోర్టు ఆమెకు మరణశిక్ష విధించిన సంగతి తెలిసిందే. చట్టం ప్రకారం తీర్పు వెలువడిన 30 రోజుల్లోగా అప్పీల్ చేసుకోవాల్సి ఉంటుందని, ఆ గడువు ఇప్పటికే ముగియడంతో హసీనాకు ఎలాంటి చట్టపరమైన అవకాశాలు మిగలలేదని […]

మహారాష్ట్రలో ప్రతిపాదిత యూనిఫాం సివిల్ కోడ్ (UCC)పై ఎంఐఎం అధినేత అసదుద్దీన్ ఒవైసీ తీవ్ర అభ్యంతరం వ్యక్తం చేశారు. ఇస్లాంలో నికాహ్ అనేది కేవలం ఒక సివిల్ ఒప్పందం మాత్రమేనని, జన్మజన్మల బంధం కాదని ఆయన పేర్కొన్నారు. ముస్లింలు తమ మతపరమైన ఆచారాలు, వ్యక్తిగత చట్టాలను పాటించే స్వేచ్ఛను కొనసాగించాలని డిమాండ్ చేశారు.