డాక్టర్ బి.ఆర్. అంబేద్కర్ కోనసీమ జిల్లా కొత్తపేట మండలంలో ఆసక్తికరమైన పరిణామం చోటుచేసుకుంది. ఒకే కుటుంబానికి చెందిన తండ్రీకుమార్తెలు వేర్వేరు పార్టీల తరఫున బరిలోకి దిగి ఇద్దరూ విజయం సాధించారు. కొత్తపేట-2 ఎంపీటీసీ స్థానం నుంచి కూటమి (టీడీపీ) అభ్యర్థిగా పోటీ చేసిన పొనుగుపాటి చాందిని ఘన విజయం సాధించారు. మరోవైపు ఆమె తండ్రి పొనుగుపాటి సత్యనారాయణ పలివెల-2 ఎంపీటీసీ స్థానం నుంచి వైసీపీ అభ్యర్థిగా బరిలోకి దిగి విజయం సాధించారు.

విజయనగరం జిల్లా జడ్పీ ఎన్నికల్లో శాసనమండలి ప్రతిపక్ష నేత, వైసీపీ సీనియర్ నేత బొత్స సత్యనారాయణకు షాక్ తగిలింది. ఆయన కుమార్తె బొత్స అనూష బొండపల్లి జడ్పీటీసీ స్థానంలో ఓటమి చెందారు. బొండపల్లి జెడ్పీటీసీ స్థానంలో బొత్స అనూషపై టీడీపీ అభ్యర్థి పాశల నీరజ ఘనవిజయం సాధించారు. కూటమి అభ్యర్థి పాశల నీరజ తన సమీప ప్రత్యర్థి అనూషపై 5,136 ఓట్ల భారీ మెజార్టీతో విజయం సాధించడంతో బొండపల్లిలో కూటమి నేతలు, కార్యకర్తలు భారీ ఎత్తున సంబరాలు […]

కొడంగల్, నారాయణపేట, మక్తల్ ఎత్తిపోతల పథకం టెండర్లలో రెవెన్యూ శాఖ మంత్రి పొంగులేటి శ్రీనివాస్ రెడ్డి కంపెనీకి ప్రయోజనం చేకూర్చేలా ప్రాజెక్టు వ్యయం రూ.1,450 కోట్ల నుంచి రూ.6,825 కోట్లకు పెరిగిందని వివరించారు. 2014లో సుమారు రూ.1,450 కోట్లుగా ఉన్న ప్రాజెక్టు వ్యయం ప్రస్తుతం రూ.6,825 కోట్లకు చేరిందని కేటీఆర్ పేర్కొన్నారు. అంటే దాదాపు ఐదు రెట్లు వ్యయం పెరిగిందని, ప్రజాధనాన్ని ఈ స్థాయిలో ఖర్చు చేస్తున్నప్పటికీ ఇప్పటివరకు ప్రాజెక్టు ద్వారా ఒక్క చుక్క నీరు కూడా […]

తెలంగాణ వస్తే పాలమూరు జిల్లా అభివృద్ధి చెందుతుందని ప్రజలు ఎన్నో ఆశలు పెట్టుకున్నారని సిఎం రేవంత్ రెడ్డి అన్నారు. బిఆర్ఎస్ పదేళ్ల పాలనలో పాలమూరు జిల్లాలో ఒక్క ప్రాజెక్టును కూడా పూర్తి చేయలేదని కెసిఆర్‌పై విమర్శలు చేశారు కాళేశ్వరం ప్రాజెక్టును కేసీఆర్ హయాంలోనే నిర్మించారని, అదే పాలనలో ప్రాజెక్టు కుప్పకూలిందని ప్రపంచవ్యాప్తంగా ఎల్‌నినో ప్రభావం ఉంటే తెలంగాణలోనే కరువు వచ్చినట్లు మాట్లాడుతున్నారని మండిపడ్డారు. హరీశ్ రావు తన పేరును ‘కాళేశ్వరరావు’గా చెప్పుకునేలా అప్పట్లో ప్రచారం చేసుకున్నారని వ్యంగ్యంగా […]

తిరుపతి జిల్లా రైల్వేకోడూరు కౌంటింగ్ కేంద్రం వద్ద హైటెన్షన్ వాతావరణం నెలకొంది. ఓట్ల లెక్కింపు ప్రక్రియలో తీవ్ర అవకతవకలు జరిగాయని ఆరోపిస్తూ మాజీ ఎమ్మెల్యే కొరముట్ల శ్రీనివాసులు ఆధ్వర్యంలో వైసీపీ నేతలు, కార్యకర్తలు ఆందోళనకు దిగారు. ఈ క్రమంలో వైసీపీ శ్రేణులకు, పోలీసులకు మధ్య తీవ్ర తోపులాట చోటుచేసుకుంది. కౌంటింగ్ నిబంధనలకు విరుద్ధంగా సాగిందని, దీనిపై తాము న్యాయపోరాటం చేస్తూ కోర్టును ఆశ్రయిస్తామని కొరముట్ల స్పష్టం చేశారు.

విజయనగరం జిల్లా పరిషత్ ఫలితాలు ఆద్యంతం ఉత్కంఠను రేపుతున్నాయి. ముఖ్యంగా బొత్స కుటుంబ సభ్యుల పోటీపై సర్వత్రా ఆసక్తి నెలకొంది. తెర్లాం మండల జెడ్పీటీసీ అభ్యర్థిగా బరిలో ఉన్న చిన్న శీను కుమార్తె మజ్జి సిరి సహస్ర స్పష్టమైన ఆధిక్యంతో ముందంజలో ఉన్నారు. ఇక బొత్స ఫ్యామిలీలో గరివిడి జెడ్పీటీసీ అభ్యర్థిగా పోటీ చేసిన కోడలు పూజిత ఆధిక్యంలో దూసుకెళ్తుండగా, బొండపల్లి జెడ్పీటీసీ అభ్యర్థిగా బరిలోకి దిగిన బొత్స కుమార్తె అనూష మాత్రం వెనుకంజలో కొనసాగుతుండటం గమనార్హం.