గల్ఫ్ దేశాల్లో నెలకొన్న ప్రస్తుత పరిస్థితులను దృష్టిలో ఉంచుకుని ఆంధ్రప్రదేశ్ రాష్ట్ర మంత్రి కొండపల్లి శ్రీనివాస్ అక్కడ నివసిస్తున్న ఏపీ ప్రజలకు భరోసా ఇచ్చారు. అత్యవసర పరిస్థితుల్లో సహాయం కోసం ఏపీ ఎన్నార్టీ (APNRTS) ప్రత్యేక హెల్ప్ లైన్ నంబర్ 85000 27678 ను అందుబాటులోకి తెచ్చింది. గల్ఫ్ బాధితులు లేదా వారి కుటుంబ సభ్యులు మరింత సమాచారం కోసం అధికారిక వెబ్‌సైట్ apnrts.ap.gov.in ను సంప్రదించాలని సూచించారు. గల్ఫ్ ప్రాంతంలోని ఏపీ పౌరులందరూ  తమ వివరాలను ఇండియన్ ఎంబసీలో నమోదు […]

నెల్లూరు జీజీహెచ్‌లోని ప్రసూతి, చిన్నపిల్లల వార్డులో ఆదివారం మంటలు చెలరేగాయి. పిల్లల వార్డులో మంటలు చెలరేగటంతో ఆందోళన వ్యక్తమైంది. మంటలు, పొగ విస్తరించటంతో వార్డులోని గర్భిణులు, బాలింతలు భయంతో పరుగులు తీశారు. దట్టమైన పొగ వార్డులలో విస్తరించటంతో ఆస్పత్రిలోని రోగులు, పసి పిల్లలు ఉక్కిరి బిక్కిరయ్యారు. అగ్నిమాపక సిబ్బంది, పోలీసులు వెంటనే ఆస్పత్రి వద్దకు చేరుకున్నారు. రోగులను సురక్షితంగా ఆస్పత్రి వెలుపలికి తీసుకువచ్చారు. ఎలాంటి ప్రాణనష్టం లేకపోవటంతో అందరూ ఊపిరి పీల్చుకున్నారు.

విజయవాడలో జరిగిన ‘మధ్యవర్తిత్వంపై రాష్ట్రస్థాయి సదస్సు’లో న్యాయవ్యవస్థలో మధ్యవర్తిత్వం ప్రత్యామ్నాయం కాదని, ఓ ప్రాధాన్యాంశమని విజయవాడలో జరిగిన ‘మధ్యవర్తిత్వంపై రాష్ట్రస్థాయి సదస్సు’లో సుప్రీంకోర్టు ప్రధాన న్యాయమూర్తి జస్టిస్ సూర్యకాంత్ ఉద్ఘాటించారు. మధ్యవర్తిత్వం భారతీయలు డీఎన్‌ఏలోనే ఉందని ఉదహరించారు. రెండు పక్షాలకు మేలు చేకూర్చేలా చేయడంలో మధ్యవర్తిత్వానిది కీలక పాత్ర అని జస్టిస్ సూర్యకాంత్ అన్నారు. కోర్టులపై కేసుల భారం ఎక్కువగా ఉన్న ప్రస్తుత పరిస్థితుల్లో మధ్యవర్తిత్వాన్ని విస్మరించడం ఏ మాత్రం సహేతుకం కాదన్నారు.

ఖమ్మం నగరంలోని అంబేడ్కర్ భవన్ వద్ద ఆదివారం తీవ్ర ఉద్రిక్తత చోటుచేసుకుంది. వివిధ ప్రభుత్వ ప్రాజెక్టులు లేదా ఆక్రమణల తొలగింపు చర్యల్లో భాగంగా ఇళ్లు కోల్పోయిన బాధితులు తమకు న్యాయం చేయాలని డిమాండ్ చేస్తూ రోడ్డుపై బైఠాయించి ఆందోళనకు దిగారు. తమకు ప్రత్యామ్నాయ వసతి కల్పించాలని, ప్రభుత్వం తమను ఆదుకోవాలని వారు నినదించారు. నిరసనకారులను రోడ్డుపై నుంచి పంపించే క్రమంలో తమను పోలీసులు బలవంతంగా ఈడ్చుకెళ్లారని, తమపై దాడికి పాల్పడ్డారని బాధితులు ఆవేదన వ్యక్తం చేశారు.

వ్యాపార, విద్య, ఆధ్యాత్మికత, పర్యాటక రంగాన్ని ప్రోత్సహించడం ద్వారా పుదుచ్చేరిని మెరుగైన రాష్ట్రంగా తీర్చిదిద్దుతున్నానని ప్రధానమంత్రి నరేంద్ర మోదీ అన్నారు . పుదుచ్చేరిలో జరిగిన ప్రభుత్వ కార్యక్రమంలో ఆయన మాట్లాడుతూ, కేంద్ర ప్రభుత్వం, రాష్ట్ర ప్రభుత్వం కలిసి పనిచేస్తే రాష్ట్రం ఎలా అభివృద్ధి చెందుతుందో చెప్పడానికి పుదుచ్చేరి ఒక ఉదాహరణ అని అన్నారు. భారతదేశం అంతటా ఉన్నత-నాణ్యత మౌలిక సదుపాయాలను సృష్టించడానికి మరిన్ని నిధులు కేటాయిస్తున్నామని, రాష్ట్రాలకు మాత్రమే అందుబాటులో ఉన్న ప్రత్యేక మూలధన పెట్టుబడి నిధిని […]