రాజస్థాన్లోని కోటా-ఉదయ్పూర్ జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం జరిగింది. శంభుపుర సమీపంలో రోడ్డు పక్కన ఆగి ఉన్న ట్రక్కును అతివేగంగా వచ్చిన క్రూజర్ వాహనం వెనుక నుంచి బలంగా ఢీకొట్టింది. ఈ దుర్ఘటనలో ఒకే కుటుంబానికి చెందిన తొమ్మిది మంది అక్కడికక్కడే మృతి చెందగా, మరో ఎనిమిది మంది తీవ్రంగా గాయపడ్డారు. మహారాష్ట్రలోని ధూలే జిల్లా వాసులు. వీరంతా ప్రసిద్ధ పుణ్యక్షేత్రమైన ఖాటూ శ్యామ్జీ ఆలయంలో దైవదర్శనం ముగించుకుని స్వస్థలానికి తిరిగి వెళ్తుండగా ఈ ప్రమాదం చోటుచేసుకుంది.