చైనాలోని మారుమూల టిబెట్ ప్రాంతంలో గురువారం రాత్రి భారీ భూకంపం సంభవించింది. రిక్టర్‌ స్కేలుపై 7.0 తీవ్రత నమోదైన ఈ ప్రకృతి విపత్తులో కనీసం 16 మంది ప్రాణాలు కోల్పోయినట్లు వార్తా నివేదికలు వెల్లడించాయి. భూకంపం కారణంగా 46 మంది గాయపడగా, వారిలో 11 మందికి తీవ్ర గాయాలైనట్లు తెలిపింది. ప్రాథమిక అంచనాల ప్రకారం.. మొత్తం 339 ఇళ్లు కూలిపోవడం లేదా దెబ్బతినడం జరిగింది. భవనాలకు జరిగిన నష్టం, బాధితుల సంఖ్యపై అధికారులు మరింత సమాచారం సేకరిస్తున్నారు.