‘దేవర’ చిత్రంలోని’చుట్టమల్లే’ పాటను ఆర్టిఫిషియల్ ఇంటెలిజెన్స్ (AI) సాంకేతికతను ఉపయోగించి అత్యంత అసభ్యకరంగా మార్ఫింగ్ చేయడంపై కథానాయకి జాన్వీ కపూర్ స్పందించారు. సాంకేతికతను ఈ రీతిలో దుర్వినియోగం చేస్తూ డిజిటల్ వైపరీత్యానికి పాల్పడటం తీవ్రంగా కలవరపెడుతోందని ఆమె పేర్కొన్నారు. ఇటువంటి నకిలీ వీడియోలను ఎవరూ సృష్టించవద్దని, సోషల్ మీడియా వేదికగా ఇతరులతో షేర్ చేయడం కానీ, ప్రచారం చేయడం కానీ చేయవద్దని నెటిజన్లను కోరారు.