పశ్చిమ ఆసియాలో నెలకొన్న ఉద్రిక్తతలు క్రమంగా తగ్గుతున్నాయనే సంకేతాలు కనిపించడంతో అంతర్జాతీయ మార్కెట్‌లో ముడి చమురు ధరలు సోమవారం భారీగా క్షీణించాయి. దేశీయ ఫ్యూచర్స్ మార్కెట్‌లో ఆగస్టు డెలివరీకి సంబంధించిన ముడి చమురు కాంట్రాక్ట్ బ్యారెల్‌కు రూ.512 లేదా 6.31 శాతం క్షీణించి రూ.7,601 వద్ద ట్రేడైంది. పెట్టుబడిదారులు పెద్ద ఎత్తున తమ లాంగ్ పొజిషన్లను విక్రయించడంతో సెప్టెంబర్ కాంట్రాక్ట్ బ్యారెల్‌కు రూ.415 లేదా 5.3 శాతం తగ్గి రూ.7,424కు చేరింది.