ఝార్ఖండ్ ముక్తి మోర్చా (JMM) అధినేత,ముఖ్యమంత్రి హేమంత్ సోరెన్ ఢిల్లీలో భారతీయ జనతా పార్టీ అగ్ర నాయకత్వాన్ని కలవడం చర్చనీయాంశంగా మారింది. గత అసెంబ్లీ ఎన్నికల్లో జేఎంఎం, కాంగ్రెస్ పార్టీతో పొత్తు పెట్టుకుని అధికారాన్ని చేపట్టిన విషయం తెలిసిందే. అయితే, సంకీర్ణ ప్రభుత్వంలో అంతర్గత విభేదాలు, సీబీఐ మరియు ఈడీ కేసుల వంటి అంశాల నేపథ్యంలో జేఎంఎం మరియు బీజేపీ మళ్లీ జట్టు కట్టే అవకాశం ఉందనే వార్తలు బలంగా వినిపిస్తున్నాయి. గతంలో కూడా ఈ రెండు పార్టీలు కలిసి ప్రభుత్వాన్ని ఏర్పాటు చేశాయి.