హైదరాబాద్‌లోని ప్రముఖ విద్యాసంస్థ మహీంద్రా విశ్వవిద్యాలయం, భవిష్యత్తు అవసరాలను దృష్టిలో ఉంచుకుని బి.టెక్ ఎల్.ఎల్.బి. (ఆనర్స్) అనే ఒక వినూత్నమైన ఇంటిగ్రేటెడ్ కోర్సును ప్రారంభించింది. నేటి మారుతున్న ప్రపంచంలో కేవలం న్యాయశాస్త్ర పరిజ్ఞానం మాత్రమే సరిపోదని, సాంకేతిక అంశాలపై కూడా పట్టు ఉండాలని భావించి ఈ ప్రోగ్రామ్‌ను రూపొందించారు. ఆసక్తి గల విద్యార్థులు విశ్వవిద్యాలయ అధికారిక వెబ్‌సైట్ https://admission.mahindrauniversity.edu.in సందర్శించి పూర్తి వివరాలను తెలుసుకోవచ్చు మరియు దరఖాస్తు చేసుకోవచ్చు.

131వ రాజ్యాంగ సవరణ బిల్లు వీగిపోడంపై లోక్‌సభలో ప్రతిపక్ష నేత రాహుల్‌ గాంధీ స్పందించారు. వారు మహిళల పేరుతో రాజ్యాంగ విరుద్ధమైన ఎత్తుగడ వేసి.. రాజ్యాంగాన్ని ఉల్లంఘించడానికి ప్రయత్నించారని విమర్శించారు. అందుకే ఈ బిల్లును ‘ఇండియా’ గుర్తించి ఆపిందని పేర్కొన్నారు. రాజ్యాంగానికి వందనం అని చెబుతూ.. ఈమేరకు ‘ఎక్స్‌’ వేదికగా పోస్టు చేశారు.

కర్ణాటకలోని యాద్గిర్ జిల్లాలో ఈ సంఘటన జరిగింది. శుక్రవారం మధ్యాహ్నం సురపూర్ తాలూకాలోని శాంతాపూర్ క్రాస్ సమీపంలో ఘోర రోడ్డు ప్రమాదం జరిగింది. ఒక కుటుంబం ప్రయాణిస్తున్న కారు టైర్‌ పేలిపోయింది. అదుపుతప్పిన ఆ కారు ఎదురుగా వస్తున్న ప్రైవేట్‌ ట్రావెల్‌ బస్సును ఢీకొట్టింది. ఆ వెంటనే మంటలు చెలరేగాయి. కారు, ట్రావెల్స్ బస్సు పూర్తిగా దగ్ధమయ్యాయి. కారులో ప్రయాణించిన ఒకే కుటుంబానికి చెందిన 9 మంది మరణించారు. మృతుల్లో నలుగురు పిల్లలున్నారు.

మహిళా రిజర్వేషన్ల చట్టం అమలుకు తీసుకొచ్చిన రాజ్యాంగ సవరణ బిల్లు లోక్‌సభలో వీగిపోయింది. 131వ రాజ్యాంగ సవరణ బిల్లు-2026కు మూడింట రెండొంతుల మెజారిటీ కావాల్సి ఉంది. కానీ ఈ బిల్లుకు కావాల్సినంత మంది సభ్యుల మద్దతు రాలేదు. బిల్లుకు అనుకూలంగా 298 ఓట్లు, వ్యతిరేకంగా 230 ఓట్లు వచ్చాయి. ఓటింగ్‌కు 528 మంది సభ్యులు హాజరు కాగా.. బిల్లు ఆమోదానికి 326 ఓట్లు కావాల్సి ఉంది. ఈ మద్దతును ఎన్డీయే కూడగట్టలేకపోయింది.

ఇరాన్ విదేశాంగ మంత్రి అబ్బాస్ అరాగ్చీ వెల్లడించిన ప్రకారం.. అన్ని వాణిజ్య నౌకల రాకపోకలకు అనుమతి ఇస్తూ హర్మూజ్ జలసంధిని తిరిగి పూర్తిస్థాయిలో అందుబాటులోకి తెచ్చినట్టు స్పష్టం చేశారు. లెబనాన్‌లో పరిస్థితులు శాంతించడంతో పాటు.. కాల్పుల విరమణ ఒప్పందం అమల్లో ఉన్నంత వరకు ఈ నిర్ణయం కొనసాగుతుందని వెల్లడించారు. ఈ విషయాన్ని ఆయన సోషల్ మీడియా వేదికగా కూడా ప్రకటించారు.

కాంగ్రెస్ అగ్రనేత, లోక్‌సభ ప్రతిపక్ష నాయకుడు రాహుల్ గాంధీకి లక్నో హైకోర్టులో గట్టి ఎదురుదెబ్బ తగిలింది. ఆయనపై ఉన్న ద్వంద్వ పౌరసత్వం ఆరోపణలకు సంబంధించి తక్షణమే FIR నమోదు చేయాలని కోర్టు ఉన్నత స్థాయి అధికారులను ఆదేశించింది. 2024లో కర్ణాటకకు చెందిన బీజేపీ కార్యకర్త విఘ్నేశ్ దాఖలు చేసిన పిటిషన్‌పై విచారణ చేపట్టిన ధర్మాసనం, ఈ వివాదంలో ప్రాథమిక విచారణ అవసరమని భావించింది. రాహుల్ గాంధీకి బ్రిటీష్ పౌరసత్వం కూడా ఉందనేది పిటిషనర్ ప్రధాన ఆరోపణ.