జమ్మూ కాశ్మీర్లోని కుల్గాం జిల్లాలో జరిగిన ఎన్ కౌంటర్ ఉగ్రవాది మరణించాడు. బుధవారం ఉదయం భద్రతా దళాలకు, ఉగ్రవాదులకు మధ్య జరిగిన తాజా ఎదురుకాల్పుల్లో లష్కరే తోయిబా అగ్ర కమాండర్ లతీఫ్ భట్ హతమయినట్లు తెలుస్తోంది. నవంబర్ 11న సెంట్రల్ రిజర్వ్ పోలీస్ ఫోర్స్ (CRPF) చెక్పాయింట్ పై జరిగిన దాడికి లతీఫ్ భట్ సూత్రధారిగా వ్యవహరించినట్లు భద్రతా వర్గాలు అనుమానించాయి. ఈ నేపథ్యంలో అతడిని పట్టుకునేందుకు భద్రతా బలగాలు ప్రత్యేక ఆపరేషన్ చేపట్టాయి.