ప్రపంచవ్యాప్తంగా మైక్రోసాఫ్ట్ 365 సేవల్లో అంతరాయం ఏర్పడింది. గురువారం మధ్యాహ్నం సుమారు ఒంటి గంట (అమెరికా కాలమానం ప్రకారం) సమయంలో ఈ సమస్య మొదలైంది. దీనివల్ల Microsoft Outlook, Exchange Online, Teams, SharePoint, Copilot వంటి కీలక సేవలు నిలిచిపోవడంతో లక్షలాది మంది వినియోగదారులు ఇబ్బందులు పడ్డారు.మొదట అమెరికా ప్రాంతాల్లోనే ఈ అంతరాయం ఉన్నట్లు గుర్తించినప్పటికీ, ఆ తర్వాత ప్రపంచవ్యాప్తంగా అన్ని ప్రాంతాల్లోని మైక్రోసాఫ్ట్ 365 కనెక్టివిటీపై దీని ప్రభావం పడినట్లు మైక్రోసాఫ్ట్ స్పష్టం చేసింది.