అమరావతిలో జరుగుతున్న తెలుగుదేశం పార్టీ మహానాడు 2026 సమావేశాలు రాజకీయంగా ప్రత్యేక ప్రాధాన్యతను సంతరించుకున్నాయి. రెండో రోజు సమావేశాల్లో పార్టీ వ్యవస్థాపకుడు, మాజీ ముఖ్యమంత్రి నందమూరి తారక రామారావుకు భారత రత్న పురస్కారం ప్రకటించాలని కోరుతూ ప్రవేశపెట్టిన తీర్మానం ఏకగ్రీవంగా ఆమోదం పొందింది. ఈ తీర్మానం ద్వారా ఎన్టీఆర్ సేవలను జాతీయ స్థాయిలో గుర్తించాలన్న డిమాండ్‌ను టీడీపీ మరోసారి బలంగా ముందుకు తీసుకొచ్చింది.