ఉత్తరాంధ్ర గిరిజన సంస్కృతికి ప్రపంచవ్యాప్తంగా అరుదైన గుర్తింపు లభించింది. మన్యం ప్రాంతాలకు చెందిన సంప్రదాయ థింసా నృత్యం వేలాది మంది గిరిజన బాలికల సమిష్టి ప్రదర్శనతో గిన్నిస్ వరల్డ్ రికార్డ్స్‌లో చోటు సంపాదించింది. భోగాపురం అంతర్జాతీయ విమానాశ్రయం ప్రాంగణంలో నిర్వహించిన ఈ కార్యక్రమంలో సుమారు 13 వేల మంది గిరిజన బాలికలు ఒకేసారి లయబద్ధంగా థింసా నృత్యాన్ని ప్రదర్శించారు. నిర్ణీత నిబంధనల ప్రకారం జరిగిన ఈ భారీ ప్రదర్శనను గిన్నిస్ వరల్డ్ రికార్డ్స్ ప్రతినిధులు ప్రత్యక్షంగా పరిశీలించారు.

భోగాపురం ఎయిర్‌పోర్టు ప్రారంభోత్సవానికి వస్తున్న ప్రధాని మోదీ శనివారం ఉదయం 10 గంటల 45 నిమిషాలకు ప్రత్యేక విమానంలో దిల్లీ నుంచి నేరుగా భోగాపురం అంతర్జాతీయ విమానాశ్రయానికి చేరుకుంటారు. 11 గంటల 17 నిమిషాల నుంచి 11 గంటల 25 నిమిషాల మధ్య టెర్మినల్‌ భవనం నుంచి ఓపెన్ టాప్‌ జీప్‌లో బహిరంగ సభా వేదికకు ప్రధాని చేరుకుంటారు. పదకొండున్నర నుంచి 12 గంటల 55 నిమిషాల మధ్య విమానాశ్రయ ప్రారంభోత్సవం, శిలాఫలక ఆవిష్కరణ, అభివృద్ధి కార్యక్రమాల ప్రారంభం, బహిరంగసభలో ప్రధాని ప్రసంగం […]

విజయనగరం జిల్లా భోగాపురంలో అత్యంత ప్రతిష్టాత్మకంగా నిర్మించిన ‘అల్లూరి సీతారామరాజు అంతర్జాతీయ విమానాశ్రయం’ ప్రారంభోత్సవ ఏర్పాట్లపై ఆంధ్రప్రదేశ్ ముఖ్యమంత్రి నారా చంద్రబాబు నాయుడు శుక్రవారం ఉన్నతస్థాయి సమీక్ష నిర్వహించారు. రేపు (ఆగస్టు 1) దేశ ప్రధాని నరేంద్ర మోదీ చేతుల మీదుగా ప్రారంభం కానున్న ఈ ఎయిర్‌పోర్ట్ పనుల పురోగతిని ఆయన అధికారులతో వీడియో కాన్ఫరెన్స్ ద్వారా సమీక్షించారు. ముఖ్యంగా ఉత్తరాంధ్ర గిరిజన సంప్రదాయానికి ప్రతీక అయిన ‘థింసా’ నృత్యాన్ని ప్రారంభోత్సవ వేదికపై కళ్లుచెదిరే రీతిలో ప్రదర్శించాలని సూచించారు.

డ్యాన్స్ రిహార్సల్స్ సమయంలో రష్మిక మందన్న గాయపడినట్లు వార్తలు వైరల్ అవుతున్నాయి. కాలుకు, నడుముకు గాయాలయ్యాయని ప్రచారం జరుగుతున్నప్పటికీ, దీనిపై రష్మిక లేదా ఆమె బృందం నుంచి ఇప్పటివరకు అధికారిక ధృవీకరణ వెలువడలేదు. ఓ సినిమా కోసం డ్యాన్స్ రిహార్సల్స్ చేస్తున్న సమయంలో ఆమెకు ప్రమాదం జరిగినట్లు సినీ వర్గాల్లో వార్తలు వినిపిస్తున్నాయి. ఈ విషయం బయటకు రావడంతో అభిమానులు ఆందోళన వ్యక్తం చేస్తున్నారు.

మహిళా ఎస్సైతో అనుచితంగా ప్రవర్తించిన వైకాపా నేతల పై ఆమదాలవలస పోలీసులు కేసు నమోదు చేశారు. వైకాపా అధ్యక్షుడు జగన్ శ్రీకాకుళం పర్యటనలో బూర్జ ఎస్సై ప్రవల్లికపై ఆమదాలవలస వైకాపా ఇన్ఛార్జ్ చింతాడ రవికుమార్, ఆయన అనుచరులు అనుచితంగా ప్రవర్తించి దౌర్జన్యం చేశారు. ఈ ఘటనలో మొత్తం 21 మందిపై పోలీసులు కేసు నమోదు చేశారు. చింతాడ రవికుమార్ ను ఏ1గా పేర్కొన్నారు.