రాహుల్ గాంధీ సోషల్ మీడియా Xలో ఒక పోస్ట్ ద్వారా ఎన్నికల కమిషన్ పారదర్శకతపై ప్రశ్నలు లేవనెత్తారు. కమిషన్ ముఖ్యమైన ఆధారాలను దాచిపెడుతోందని, ఇది ప్రజాస్వామ్యానికి ప్రమాదకరమని ఆయన ఆరోపించారు. మ్యాచ్ ఫిక్సింగ్ ఆరోపణలను ఎన్నికల కమిషన్ తీవ్రంగా స్పందించింది. ఓటర్ల గోప్యత, భద్రతను నిర్ధారించడం అవసరమని చెబుతూ, పోలింగ్ కేంద్రాల CCTV ఫుటేజ్‌లను 45 రోజుల్లోపు నాశనం చేయాలనే తన నిర్ణయాన్ని కమిషన్ సమర్థించుకుంది. ఓటర్ల గోప్యతా హక్కును పరిగణనలోకి తీసుకోవడంతో పాటు చట్టపరమైన ఆటంకాల […]

ప్రీలాంచ్, అధిక వడ్డీ తదితర హామీలతో 500మంది వద్ద వందల కోట్లు వసూలు చేసిన ఎవి ఇన్‌ఫ్రా కంపెనీపై మాదాపూర్ పోలీసులు కేసు నమోదు చేశారు. భారీ మోసం కావడంతో కేసును ఆర్థిక నేరాల విభాగానికి బదిలీ చేశారు. తక్కువ ధరకు ప్లాట్లు విక్రయిస్తానని చెప్పడంతో దాదాపుగా 500మంది బాధితులు రూ.10లక్షలు నుంచి కోటి రూపాయల వరకు డిపాజిట్ చేశారు. బాధితులు మాదాపూర్ పోలీసులకు ఫిర్యాదు చేశారు. కేసు నమోదు చేసిన పోలీసులు నిందితుల కోసం వెతుకుతున్నారు. […]

మధ్యప్రదేశ్ కు చెందిన బీజేపీ ఎమ్మెల్యే రాజీవ్ సింగ్ పరిచా వందే భారత్ రైల్లో ప్రయాణిస్తున్నాడు. అయనకు విండో సీట్ రాలేదు. ఓ ప్రయాణికుడిని సీట్లు మార్చుకోవాలని కోరాడు కానీ దానికి నిరాకరించాడు దీంతో ఎమ్మెల్యే ఫోన్లు చేసి ఝాన్సీ రైల్వే స్టేషన్ కు గూండాల్ని పిలిపించాడు. ఝాన్సీ రైల్వే స్టేషన్‌లో దాదాపు 15-20 మంది వ్యక్తులు ప్రకాష్‌పై దాడి చేసి ముక్కు, చెవులు నోటి నుండి రక్తం కారేలా కొట్టారు. రైల్వే పోలీసులు ఎమ్మెల్యే అనుచరులకే […]

హుజూరాబాద్ బీఆర్‌ఎస్‌ ఎమ్మెల్యే పాడి కౌశిక్ రెడ్డికి.. కోర్టు జుడిషియల్ రిమాండ్ విధించింది. 14 రోజుల పాటు రిమాండ్ విధిస్తూ జడ్జి తీర్పు వెలువరించారు. దీంతో కౌశిక్ రెడ్డిని పోలీసులు ఖమ్మం జిల్లా జైలుకు తరలించనున్నారు. కౌశిక్ రెడ్డి అరెస్ట్‌పై ఉదయం నుం హైడ్రామా కొనసాగింది. కౌశిక్‌ది అక్రమ అరెస్ట్ అంటూ బీఆర్ఎస్ నేతలు ఆందోళన చేపట్టారు. ప్రభుత్వం బీఆర్ఎస్ నేతలపై కేసులు పెట్టి కక్ష సాధిస్తోందంటూ ఆరోపించారు.

అంబేద్కర్ ఓవ‌ర్సీస్ ప‌థ‌కం కింద విదేశాల్లో విద్యనభ్యసించేందుకు ఇక‌ నుంచి ఏడాదికి 500 మందికి అవ‌కాశం క‌ల్పించ‌నున్నారు. అందుకు సంబంధించిన ఫైలుపై తెలంగాణ షెడ్యూల్డ్ కులాలు, గిరిజ‌న అభివృద్ధి, దివ్యాంగుల‌, మైనార్టీ సంక్షేమ‌ శాఖల‌ మంత్రిగా అడ్లూరి ల‌క్ష్మణ్ తొలి సంత‌కం చేశారు. అంబేద్కర్ ఓవ‌ర్సీస్ స్కీమ్ ద్వారా ఇప్పటివ‌ర‌కు ఏటా 210 మంది ఎస్సీ విద్యార్థుల‌కు విదేశాల్లో ఉన్నత‌విద్యా అభ్యాసానికి రూ.20 ల‌క్షల ఆర్థిక సాయం అందిస్తున్నారు. ఇప్పుడు విద్యార్థుల సంఖ్యను 500 లకు పెంచారు.

ఆంధ్రప్రదేశ్ గ్రామ, వార్డు సచివాలయాల ఉద్యోగులకు ప్రభుత్వం కీలక ఆదేశాలు జారీ చేసింది. ఎన్టీఆర్ భరోసా పింఛన్ల పంపిణీలో మిగిలిన సొమ్మును వారం రోజుల్లోగా ప్రభుత్వానికి జమ చేయాలని సెర్ప్ అధికారులు ఆదేశించారు. పింఛన్ పంపిణీ పూర్తయిన వెంటనే డబ్బులు జమ చేయాలని, లేకుంటే చర్యలు తప్పవని హెచ్చరించారు. జూన్ నెలలో ఇంకా రూ.4 కోట్లు సెర్ప్ ఖాతాకు చేరాల్సి ఉంది. గతంలో కొందరు ఉద్యోగులు నిధులతో ఉడాయించిన ఘటనలు జరిగాయి.