శ్రీశైలం జలాశయంలో నీటి నిల్వలు అనూహ్యంగా తగ్గిపోవడంతో పాటు కృష్ణా-గోదావరి నదీ యాజమాన్య బోర్డుల (కేఆర్ఎంబీ, జీఆర్ఎంబీ) సమావేశాలు నిరంతరం వాయిదా పడుతుండటం పట్ల తీవ్ర ఆందోళన వ్యక్తమవుతోంది. ఆంధ్రప్రదేశ్తో నీటి పంపకాల వివాదాలు ఇంకా పరిష్కారానికి నోచుకోకపోవడంతో, రానున్న వేసవి కాలంలో హైదరాబాద్ నగరంతో పాటు దక్షిణ తెలంగాణలోని పలు జిల్లాలకు తీవ్రమైన తాగునీటి సంక్షోభం తప్పదనే హెచ్చరికలు వినిపిస్తున్నాయి. మొత్తం 215.80 టీఎంసీల పూర్తి నిల్వ సామర్థ్యానికి గాను ప్రస్తుతం కేవలం 48.57 టీఎంసీలు మాత్రమే అందుబాటులో ఉన్నాయి.