బిఆర్ఎస్ సోషల్ మీడియా కోఆర్డినేటర్, కీలక నాయకుడు మన్నె క్రిషాంక్ ను పోలీసులు అరెస్ట్ చేశారు. అరెస్ట్ సమయంలో ఆయన నివాసం వద్ద తీవ్ర ఉద్రిక్తత, గందరగోళ పరిస్థితి నెలకొంది. ఏ విధమైన ముందస్తు సమాచారం, నోటీసులు ఇవ్వకుండా పోలీసులు తన ఇంటికి వచ్చి అదుపులోకి తీసుకున్నారని క్రిషాంక్ మద్దతుదారులు, కుటుంబ సభ్యులు నిరసన వ్యక్తం చేశారు. ఇంట్లో ఉన్న చిన్న పిల్లలను, కుటుంబ సభ్యులను ఈ విధంగా భయబ్రాంతులకు గురిచేసి ఏడిపించడం విచారకరమని పేర్కొన్నారు.
