తెలంగాణలో ఆర్టీసీ కండక్టర్ ప్రవళిక మృతి తీవ్ర విషాదాన్ని నింపింది. విధి నిర్వహణలో ఎదురైన ఘటన అనంతరం ఆస్పత్రిలో చికిత్స పొందుతూ ఆమె ప్రాణాలు కోల్పోయిన విషయం తెలిసిందే. తాజాగా ప్రవళిక మృతదేహానికి పోస్టుమార్టం ప్రక్రియ పూర్తయింది. ఈ విషాద సమయంలోనూ ఆమె కుటుంబసభ్యులు మానవత్వాన్ని చాటుకున్నారు. ప్రవళిక కళ్లను దానం చేసేందుకు ముందుకు వచ్చారు. దీంతో ఆమె మరణించినా మరో ఇద్దరి జీవితాల్లో వెలుగులు నింపే అవకాశం కల్పించారు.
