‘మురసు’ తుపాను ప్రభావంతో నెల్లూరు జిల్లాలో తీరప్రాంతం అల్లకల్లోలంగా మారింది. సముద్రంలో వేటకు వెళ్లిన మత్స్యకారులు జువ్వలదిన్నె తీరంలో చిక్కుకున్నారు. అలల తాకిడి ఎక్కువగా ఉండటంతో తీరానికి 5 కి.మీ. దూరంలో లంగరు వేసుకుని ఉండిపోయారు. బోటులో ఏడుగురు మత్స్యకారులు చిక్కుకుపోయిన విషయంపై స్థానికులు అధికారులకు సమాచారం ఇచ్చారు. వారిని ఒడ్డుకు చేర్చేందుకు స్థానిక మత్స్యకారుల సహకారంతో అధికారులు చర్యలు చేపట్టారు. అనంతరం వారిని సురక్షితంగా ఒడ్డుకు చేర్చారు.