ఎన్నికల సంఘం పనితీరు, ఎన్నికల పారదర్శకతపై రాహుల్ గాంధీ తన విమర్శలను మరింత తీవ్రతరం చేశారు. ఎన్నికల్లో అక్రమాలు జరుగుతున్న విషయాన్ని ఎన్నికల సంఘమే వెల్లడిస్తోందని ఆయన వ్యాఖ్యానించారు. దేశ ప్రజాస్వామ్య వ్యవస్థను బలహీనపరిచే ప్రయత్నాలను భారత్ అంగీకరించబోదని స్పష్టం చేశారు. రాజ్యాంగాన్ని నాశనం చేయడానికి ఎవరినీ అనుమతించబోమని హెచ్చరించారు. ప్రజాస్వామ్య వ్యవస్థలో ఎన్నికలు అత్యంత కీలకమైనవని, అలాంటి ఎన్నికల ప్రక్రియపైనే అనుమానాలు కలిగే పరిస్థితులు ఏర్పడటం ఆందోళనకరమని పేర్కొన్నారు.
