అమెరికాలోని నార్త్ ఫిలడెల్ఫియాలో తెలంగాణకు చెందిన కుంచ అంశుల్ అనే యువకుడు దారుణ హత్యకు గురయ్యాడు. కుంచ అంశుల్ నార్త్ ఫిలడెల్ఫియాలో పార్ట్ టైమ్ ఉద్యోగంగా ఆన్లైన్ ఫుడ్ డెలివరీ చేస్తున్నాడు. ఈ క్రమంలో ఎప్పటిలాగే విధి నిర్వహణలో భాగంగా ఫుడ్ డెలివరీ ఇస్తున్న సమయంలో కొందరు గుర్తుతెలియని దుండగులు అతనిపై విచక్షణారహితంగా కాల్పులు జరిపినట్లు తెలుస్తోంది. ఈ సడన్ అటాక్లో తీవ్రంగా గాయపడిన అంశుల్ అక్కడికక్కడే ప్రాణాలు కోల్పోయాడు.
