హైదరాబాద్ ఎంసీఆర్ హెచ్ఐర్డీలో బుధవారం ముఖ్యమంత్రి రేవంత్ రెడ్డితో యూకే మేయర్ల బృందం సమావేశమైంది. రాష్ట్రంలో యూకే పెట్టుబడులకు అవకాశాలు, యూకే-తెలంగాణ వాణిజ్య సంబంధాలను మరింత బలోపేతం దిశగా కార్యాచరణపై చర్చించారు. వైద్యం, డిజిటల్ టెక్నాలజీ, రక్షణ, ఏరోస్పేస్, టెక్నికల్ టెక్స్టైల్స్, నైపుణ్యాలు, పరిశోధన, తయారీ రంగాలలో పరస్పర సహకారంపై సుదీర్ఘంగా చర్చలు జరిపారు. ఈ మీటింగ్ కు యూకే-ఇండియా బిజినెస్ కౌన్సిల్, బ్రిటిష్ డిప్యూటీ హై కమిషన్ ప్రతినిధులు, ఉన్నతాధికారులు హాజరయ్యారు.
