నైరుతి రుతుపవనాల ద్వితీయ భాగం(ఆగస్టు, సెప్టెంబర్)లో దేశవ్యాప్తంగా సాధారణం కంటే తక్కువ వర్షపాతం నమోదయ్యే అవకాశం ఉందని భారత వాతావరణ శాఖ (ఐఎండి) తాజాగా విడుదల చేసిన ముందస్తు అంచనాలు స్పష్టం చేస్తున్నాయి. ఈ మేరకు ద్వితీయార్ధానికి చెందిన వాతావరణ నివేదికను శనివారం భారత వాతావరణ శాఖ వెల్లడించింది. ముఖ్యంగా వాయువ్య, మధ్య, తూర్పు భారతదేశంలోని అనేక ప్రాంతాల్లో సాధారణం కంటే తక్కువ వర్షాలు కురిసే పరిస్థితులు కనిపిస్తున్నాయని అంచనాలు చెబుతున్నాయి.
