హౌతీల దాడులతో భారీగా నష్టపోతూ వచ్చిన సౌదీ అరేబియా ఒక్కసారిగా విరుచుకుపడుతోంది. యెమెన్‌, హౌతీలపై భారీ దాడులకు శ్రీకారం చుట్టింది. రాజధాని సనా ప్రావిన్స్‌లోని అల్ షరియాలో గల హౌతీ తిరుగుబాటుదారుల స్థావరాలపై సౌదీ అరేబియా నేతృత్వంలోని కూటమి బాంబుల వర్షాన్ని కురిపించింది. ఈ వైమానిక దాడుల్లో హౌతీలకు చెందిన పలు స్థావరాలు నేలమట్టం అయ్యాయి. ఈ ఘటనలో 33 మంది సాధారణ పౌరులు ప్రాణాలు కోల్పోయారు. మరో 39 మంది తీవ్రంగా గాయపడ్డారు.