అమరావతి ఔటర్ రింగ్ రోడ్డు నిర్మాణాన్ని రెండు ప్యాకేజీలుగా చేపట్టేందుకు NHAI సిద్ధమైంది. ఇందులో భాగంగా మొదటి ప్యాకేజీలో కంచికచర్ల నుంచి అగిరిపల్లి మీదుగా ఉయ్యూరు వరకు 87.63 కిలోమీటర్ల మేర రహదారిని నిర్మించనుంది. ఈ పనులకు రూ.7,873.40 కోట్ల వ్యయం అవుతుందని అంచనా వేసింది. ఇక రెండో ప్యాకేజీలో భాగంగా ఉయ్యూరు నుంచి గుంటూరు మీదుగా తిరిగి కంచికచర్ల వరకు 107.50 కిలోమీటర్ల మేర రహదారి నిర్మాణం చేపట్టనుంది. ఈ ప్యాకేజీ నిర్మాణానికి రూ.7,243.05 కోట్ల వ్యయం అవుతుందని అంచనా వేసింది.