తెలంగాణలో కీలక బాధ్యతల్లో ఉన్న పలువురు ఐఏఎస్ అధికారులను ప్రభుత్వం బదిలీ చేసింది. స్వచ్ఛంద ఉద్యోగ విరమణ ఆలోచనలో ఉన్న సీనియర్ ఐఏఎస్ అధికారి జయేశ్ రంజన్ను మెట్రోపాలిటన్ ఏరియా అండ్ అర్బన్ డెవలప్మెంట్ ప్రత్యేక సీఎస్ బాధ్యతల నుంచి ప్రభుత్వం తప్పించింది. అటవీ, పర్యావరణ శాఖల ప్రత్యేక సీఎస్గా బదిలీ చేసింది. మెట్రోపాలిటన్ ఏరియా సెక్రటరీతో పాటు జీహెచ్ఎంసీ, సైబరాబాద్, మల్కాజిగిరి మున్సిపల్ కార్పొరేషన్ల ప్రత్యేక అధికారిగా హెచ్ఎండీఏ కమిషనర్ సర్ఫరాజ్ అహ్మద్ అదనపు బాధ్యతలు నిర్వహిస్తారు.