విశాఖపట్నం బోటు ప్రమాదంలో గల్లంతైన మత్స్యకారుల బాధిత కుటుంబాలను పరామర్శించేందుకు వచ్చిన మంత్రి కొల్లు రవీంద్రను స్థానిక మత్స్యకారులు అడ్డుకున్నారు. గల్లంతైన వారు ఇక లేరని నిర్ధారించినట్లు మంత్రి చేసిన వ్యాఖ్యలు బాధితుల్లో తీవ్ర ఆగ్రహాన్ని రేకెత్తించాయి. తమ వారి ఆచూకీ స్పష్టంగా తెలియజేయాలని డిమాండ్ చేస్తూ మత్స్యకార కుటుంబాలు పెద్ద ఎత్తున ఆందోళనకు దిగి, మంత్రి కాన్వాయ్ను ముట్టడించాయి. నిరసన తెలుపుతున్న మహిళలు, మత్స్యకారులను పోలీసులు పక్కకు లాగడంతో, హార్బర్ పరిసర ప్రాంతాల్లో తీవ్ర ఉద్రిక్త వాతావరణం నెలకొంది.
