పశ్చిమమధ్య, వాయువ్య బంగాళాఖాతంలో వాయుగుండం కేంద్రీకృతమైంది. గడిచిన 6 గంటల్లో గంటకు 17 కిలోమీటర్ల వేగంతో కదులుతోంది. ప్రస్తుతానికి గోపాల్‌పూర్ (ఒడిశా)కు 220 కిమీ, పూరీకు 220 కిమీ, కళింగపట్నంకు 230 కిమీ, విశాఖపట్నానికి 320 కిమీ దూరంలో కేంద్రీకృతం అయినట్లు ఏపీ విపత్తుల నిర్వహణ సంస్థ తెలిపింది. మరో 6 గంటల్లో తీవ్రవాయుగుండంగా బలోపేతం అవుతుంది. బుధవారం రాత్రి, గురువారం తెల్లవారుజాము మధ్య విశాఖపట్నం- గోపాల్‌పూర్ మధ్య తీరాలను దాటే అవకాశం ఉందని.. అంచనా వేసింది.