మహా పండుగ బతుకమ్మ. తొమ్మిది రోజుల పాటు సాగే ఈ పూల సంబరాలు దుర్గాష్టమి రోజున జరిగే ‘సద్దుల బతుకమ్మ’తో అత్యంత వైభవంగా ముగుస్తాయి. అమ్మవారికి రకరకాల ‘సద్దులను’ (నైవేద్యాలను) సమర్పించే ఆచారం ఉంది. ప్రధానంగా ఐదు రకాల సద్దులను నివేదించడం వల్లనే ఈ పండుగకు ‘సద్దుల బతుకమ్మ’ లేదా ‘పెద్ద బతుకమ్మ’ అనే పేరు స్థిరపడింది. ఈ రోజున పులగమన్నం, పులిహోర, చిత్రాన్నం, నువ్వుల సద్ది, కొబ్బరి సద్ది, పెరుగన్నం వంటి రుచికరమైన నైవేద్యాలను సమర్పిస్తారు.
