ఆంధ్రప్రదేశ్ ముఖ్యమంత్రి, టీడీపీ అధినేత నారా చంద్రబాబు నాయుడు తమిళనాడులో ఎన్డీయే కూటమి అభ్యర్థుల తరఫున ఎన్నికల ప్రచార బరిలోకి దిగారు. కాంగ్రెస్ కు వ్యతిరేకంగా డీఎంకే ఏర్పాటు అయిందని ఇప్పుడు ఆ డీఎంకే.. కాంగ్రెస్ తో పొత్తులు పెట్టుకుంటోందని విమర్శలు గుప్పించారు. గతంలో జయలలిత పోటీ చేసిన సమయంలో ఎన్డీఏ తరపున ప్రచారానికి వచ్చారని… ఇప్పుడు మళ్లీ వచ్చానన్నారు. ఖచ్చితంగా ఎన్డీఏ సీఎం ప్రమాణ స్వీకారానికి వస్తానన్నారు. అదే సమయంలో విజయ్ పార్టీపై వ్యాఖ్యానించేందుకు చంద్రబాబు […]

రాజస్థాన్‌ రాష్ట్రం బలోత్రా జిల్లా పచ్‌పద్రలోని రిఫైనరీలో భారీ అగ్నిప్రమాదం సంభవించింది. పెట్రోల్‌ రిఫైనరీలో మంటలు ఎగసిపడుతున్నాయి. పరిసరాల్లో దట్టంగా పొగ అలముకుంది. అగ్నిమాపక సిబ్బంది మంటలను ఆర్పేందుకు ప్రయత్నిస్తున్నారు. మంగళవారం ప్రధాని మోదీ చేతుల మీదుగా ఈ రిఫైనరీ ప్రారంభం కావాల్సి ఉంది. దేశంలోనే మొదటి గ్రీన్‌ఫీల్డ్‌ రిఫైనరీ, పెట్రోకెమికల్‌ కాంప్లెక్స్‌గా రూ.79,450 కోట్లకుపైగా వ్యయంతో దీన్ని నిర్మించారు.

అగ్రరాజ్యం అమెరికాలో స్థిరపడిన ఇరాన్ సంతతి మహిళా వ్యాపారవేత్త, 44 ఏళ్ల షమీమ్ మాఫి ఇరాన్ కు బాంబులు, డ్రోన్‌లు, యుద్ధ సామగ్రిని సరఫరా చేసేందుకు మధ్యవర్తిత్వం వహిస్తున్నారనే ఆరోపణలపై యూఎస్ అధికారులు ఆమెను శనివారం రాత్రి లాస్ ఏంజిలెస్ విమానాశ్రయంలో అదుపులోకి తీసుకున్నారు. ఇరాన్ రక్షణ మంత్రిత్వ శాఖకు ‘మొహాజెర్-6’ సాయుధ డ్రోన్‌లను సరఫరా చేసేందుకు ఆమె ఏకంగా 70 మిలియన్ డాలర్ల ఒప్పందాన్ని కుదుర్చుకున్నట్లు ఆధారాలు లభించాయి.

కోయంబత్తూరులో ఎన్డీయే అభ్యర్ధులకు మద్దతుగా ప్రచారం చేసిన చంద్రబాబు..అనంతరం డీఎంకే తీరుపై తీవ్ర విమర్శలు గుప్పించారు. పార్లమెంట్ లో డీఎంకే మహిళా బిల్లును ఓడించిందని ఆరోపించారు. తద్వారా డీఎంకే, ఇండీ కూటమి మొత్తం మహిళల్నే ఓడించాలని చంద్రబాబు తెలిపారు. గతంలో ప్రోగ్రెసివ్ రాష్ట్రంగా ఉన్న తమిళనాడు ఇప్పుడు ఆర్ధికంగా వెనుకబడిందన్నారు. తమిళనాడులో చాలా కుంభకోణాలు చోటు చేసుకున్నాయని, మహిళా రిజర్వేషన్ బిల్లును ఎందుకు వ్యతిరేకించిందో డీఎంకే సమాధానం చెప్పాలని చంద్రబాబు కోరారు.

జపాన్ ఉత్తర తీరంలో శక్తిమంతమైన భూకంపం సంభవించింది. రిక్టర్ స్కేల్పై దీని తీవ్రత 7.4గా నమోదైంది. సాన్రకు తీరానికి దూరంగా సముద్ర ఉపరితలానికి దాదాపు 10 కిలోమీటర్ల లోతులో భూకంప కేంద్రం నమోదైంది. ఈ క్రమంలోనే జపాన్ వాతావరణ సంస్థ.. సునామీ హెచ్చరికలు జారీ చేసింది. మూడు మీటర్ల ఎత్తువరకు అలలు విరుచుకుపడే అవకాశం ఉందని హెచ్చరించింది.

టాలీవుడ్ స్టార్‌ హీరోయిన్‌, పలు సినిమాల్లో యాక్ట్ చేసిన పూనమ్ కౌర్ వేములవాడలోని శ్రీపార్వతీరాజరాజేశ్వరస్వామి ఆలయానికి అనుబంధ దేవాలయమైన శ్రీ భీమేశ్వర స్వామివారిని దర్శించుకున్నారు. సోమవారం అక్షయ తృతీయ సందర్భంగా దర్శించుకోవడం చాలా సంతోషంగా ఉందన్నారు ఒకప్పటి నటి. స్వామివారి కరుణ కటాక్షాలు టెక్స్‌టైల్ రంగంతోపాటు ప్రజలందరిపై ఉండాలని కోరుకున్నట్లు వెల్లడించారు. పెద్ద పెద్ద వాళ్లు వేములవాడ శ్రీరాజరాజేశ్వరస్వామివారిని దర్శించుకోవాలని సూచించిన నేపథ్యంలో నేడు స్వామివారిని దర్శించుకుని కోడె మొక్కులు చెల్లించుకున్నట్లు చెప్పారు హీరోయిన్ పూనమ్ కౌర్. 

తెలంగాణ రాష్ట్రంలో వాతావరణం ఒక్కసారిగా మారిపోయింది. ఈరోజు (సోమవారం) మధ్యాహ్నం నుండి రాత్రి వరకు రాష్ట్రంలోని పలు జిల్లాల్లో భారీ వర్షాలు కురిసే అవకాశం ఉందని వాతావరణ శాఖ తెలిపింది. ప్రధానంగా ఉరుములు, మెరుపులతో కూడిన వానలు పడతాయని అంచనా వేస్తున్నారు. ఆకాశం మేఘావృతమై ఉండి, అకస్మాత్తుగా వర్షం మొదలయ్యే అవకాశం ఉంది. హైదరాబాద్‌తో పాటు రంగారెడ్డి, వికారాబాద్, సంగారెడ్డి, మెదక్ మరియు మేడ్చల్ జిల్లాల్లో వర్ష సూచన ఉంది.

హీరో విజయ్ భార్య సంగీత దాఖలు చేసిన విడాకుల పిటిషన్‌పై సోమవారం చెంగల్పట్టు ప్రిన్సిపల్ సెషన్స్ కోర్టులో విచారణ జరిగింది. అసెంబ్లీ ఎన్నికల ప్రచారంలో అత్యంత బిజీగా ఉన్నారని, వీడియో కాన్ఫరెన్స్ ద్వారా విచారణకు హాజరయ్యేందుకు అనుమతి ఇవ్వాలని కోరారు.అయితే,. ఇద్దరు వ్యక్తులు విడిపోయే సందర్భంలో వారిని నేరుగా సంప్రదించడం ముఖ్యం అని భావించిన న్యాయస్థానం, జూన్ 15న విజయ్ మరియు సంగీత ఇద్దరూ భౌతికంగాకోర్టుకు హాజరుకావాలని స్పష్టం చేసింది.