అరుణాచల్ ప్రదేశ్‌లోని భారత్‌–చైనా సరిహద్దుల్లో ఉద్రిక్తతలు కొనసాగుతున్నాయని ఇండో-టిబెటన్ బోర్డర్ పోలీస్ (ఐటీబీపీ) డైరెక్టర్ జనరల్ శత్రుజీత్ సింగ్ కపూర్ వెల్లడించారు. సరిహద్దులోని పలు ప్రాంతాల్లో చైనా పీపుల్స్ లిబరేషన్ ఆర్మీ (పీఎల్ఏ)తో భారత బలగాలు ముఖాముఖి పరిస్థితులను ఎదుర్కొంటున్నాయని తెలిపారు. అక్టోబర్ 22న జరిగిన ఐటీబీపీ సిబ్బంది వార్షిక సన్మాన కార్యక్రమంలో ఆయన ఈ విషయాలు వెల్లడించినట్లు వార్తా నివేదికలు పేర్కొన్నాయి. సరిహద్దుల్లో ఎదురవుతున్న పరిస్థితులను ఎదుర్కోవడంలో కొత్తగా ఏర్పాటు చేసిన శౌర్య కమాండోలు కీలక పాత్ర పోషించారని కపూర్ ప్రశంసించారు.