హైదరాబాద్‌లో భారీ వర్షం కరుస్తుంది. గ్రేటర్‌ పరిధిలో సాయంత్రం నుంచి నాన్‌స్టాప్‌గా వర్షం కురిసింది. పంజాగుట్ట, బంజారాహిల్స్, జూబ్లీహిల్స్‌ సహా.. పలు ప్రాంతాల్లో రోడ్లపై నీరు నిలిచింది. హైదరాబాద్‌ నగరంలో కొన్ని చోట్ల భారీ నుంచి అతి భారీ వర్షం కురిసే అవకాశం ఉందని వాతావరణ శాఖ తెలిపింది. సాయంత్రం 6:10 నుంచి 7:20 గంటల మధ్య కోర్ సిటీలో కుండపోత వర్షం కురిసే అవకాశం ఉందని పేర్కొంది. ఉత్తర, పశ్చిమ హైదరాబాద్‌ను వానలు ముంచెత్తడంతో పలుచోట్ల ట్రాఫిక్ నిలిచిపోయింది.