వైసీపీ పార్టీకి చెందిన ప్రముఖ నేత మరియు మాజీ మంత్రి సీదిరి అప్పలరాజుకు పలాస కోర్టు 14 రోజుల జ్యుడీషియల్ రిమాండ్ విధించింది. ఇటీవల జరిగిన రోడ్డు ప్రమాదంలో తన  కుమారుడిని కాపాడేందుకు ప్రయత్నించారన్న ఆరోపణల నేపథ్యంలో పోలీసులు బుధవారం ఆయనను అరెస్ట్ చేశారు. వైద్య పరీక్షల అనంతరం, ఆయనను కోర్టులో ప్రవేశపెట్టారు. ఇరుపక్షాల వాదనలు విన్న న్యాయమూర్తి, అప్పలరాజుకు 14 రోజుల జ్యుడీషియల్ కస్టడీ విధిస్తూ ఉత్తర్వులు జారీ చేశారు. కోర్టు ఆదేశాల మేరకు, పోలీసులు ఆయన్ను అంపోలు జైలుకు తరలించారు.