విద్యార్థుల సమస్యల పరిష్కారం కోసం కేంద్ర ప్రభుత్వం నిరంతరం సానుకూల దృక్పథంతో కృషి చేస్తోందని, అందులో భాగంగానే కాక్రోచ్ జనతా పార్టీ (సీజేపీ) ప్రతినిధులతో చర్చలు జరపాలని నిర్ణయించినట్లు కేంద్ర మంత్రి జితేంద్ర సింగ్ తెలిపారు. గురువారం ఆయన మీడియాతో మాట్లాడుతూ ఈ కీలక వ్యాఖ్యలు చేశారు. దేశవ్యాప్తంగా ఉన్న విద్యార్థుల ఆందోళనలను విరమింపజేసి, క్షేత్రస్థాయిలో ఉన్న వాస్తవ పరిస్థితులపై మాట్లాడేందుకు సీజేపీ నేతలకు బుధవారం మధ్యాహ్నం నుంచి ఇప్పటికే నాలుగుసార్లు అధికారికంగా ప్రతిపాదనలు పంపామని మంత్రి స్పష్టం చేశారు.
