విశాఖపట్నం నగరంలో ఆదివారం తెల్లవారుజామున స్వల్ప భూకంపం సంభవించింది. ఈ ప్రకంపనలు నగర ప్రజలలో తీవ్ర భయాందోళనను కలిగించాయి. నిద్రలో ఉన్న ప్రజలు ఒక్కసారిగా ఉలిక్కిపడటంతో, వారు తమ ఇళ్ల నుంచి బయటకు పరుగులు తీశారు. నగరంలోని సాగర్ నగర్, తాటిచెట్లపాలెం, సీతమ్మధార, మాధవధార, పెద వాల్తేరు, ఈస్ట్ పాయింట్ కాలనీ, హెచ్బీ కాలనీ వంటి ప్రాంతాల్లో ఈ ప్రకంపనలు స్పష్టంగా అనుభవించబడ్డాయి. కొన్ని సెకన్ల పాటు భూమి కంపించడంతో స్థానికులు ఏమి జరుగుతుందో అర్థం చేసుకోలేక పోయారు.
