పన్నెండేళ్ల క్రితం విజయదశమి నాడు మొదలుపెట్టిన ‘మన్‌కీబాత్‌’ ప్రజల సహకారంతో అప్రతిహతంగా కొనసాగుతోందని ప్రధాని మోదీ అన్నారు. 139వ మన్‌కీబాత్ ఎపిసోడ్‌లో ఆయన ప్రసంగించారు. పంజాబ్ సంప్రదాయ వ్యవసాయం, ఉత్తరాఖండ్ మహిళల సాధికారత వంటి అంశాలను ఆయన ప్రస్తావించారు. ఉత్తరాఖండ్ గఢ్‌వాల్ ప్రాంతంలో ప్రజలు హెవల్ నదికి స్థానిక యంత్రాంగం, గ్రామస్థులు వర్షపునీటిని ఒడిసిపట్టేందుకు చర్యలు తీసుకొన్నారు. భారీ సంఖ్యలో మొక్కలను నాటారు. ఈ చర్యల ఫలితంగా నేడు నది తిరిగి కళకళలాడుతోంది’’ అని ప్రధాని మోదీ […]

రామంతపూర్‌లోని చర్చ్ కాలనీలో స్క్రాప్ దుకాణంలో జరిగిన పేలుడు తీవ్ర కలకలం రేపింది. ఈ ఘటనలో దుకాణ యజమాని పరశురాం (43) తీవ్రంగా గాయపడ్డారు. అకస్మాత్తుగా పేలుడు సంభవించడంతో స్థానికులు భయాందోళనకు గురయ్యారు. సమాచారం అందుకున్న అగ్నిమాపక సిబ్బంది వెంటనే ఘటనా స్థలానికి చేరుకున్నారు. షట్టర్ లో నిర్వహిస్తున్న స్క్రాప్ దుకాణంలో నిల్వ ఉంచిన స్క్రాప్‌లో ఏవైనా పేలుడు పదార్థాలు ఉన్నాయా? లేక ఇతర కారణాలతో ప్రమాదం జరిగిందా? అనే అంశాలపై స్పష్టత రావాల్సి ఉంది.

ఓటర్ల జాబితాలో పేర్ల తొలగింపు, ఓట్ల చోరీ ఆరోపణలపై నిరసనగా నవంబర్‌ 1న దిల్లీలో భారీ ర్యాలీ నిర్వహించనున్నట్లు లోక్‌సభలో ప్రతిపక్ష నేత రాహుల్‌ గాంధీ ప్రకటించారు. ‘సేవ్‌ ది ఓట్‌ సేవ్‌ ది కంట్రీ’ పేరుతో జన మార్చ్‌, భారీ ర్యాలీ నిర్వహించనున్నట్లు వెల్లడించారు. ఓటును, దేశాన్ని కాపాడుకుందాం. ప్రజాస్వామ్యాన్ని పరిరక్షించేందుకు పౌరులు ఉద్యమంలో భాగస్వాములు కావాలి. ఓటు మీది. పోరాటమూ మీదే’ అంటూ రాంలీలా మైదాన్​, దిల్లీ అని పోస్ట్​లో రాసుకొచ్చారు.

పెరుగుతున్న జీవన వ్యయం, విద్యా వ్యవస్థలో నెలకొన్న సమస్యలకు వ్యతిరేకంగా ఫ్రాన్స్‌ సహా యూరప్​లోని పలు దేశాల్లో నిరసనలు తీవ్ర రూపం దాల్చాయి. ఫ్రాన్స్​లో ఒక్కసారిగా ఏకంగా 4.10 లక్షల మంది రోడ్డెక్కగా నిజానికి ఆ సంఖ్య 8 లక్షలు దాటి ఉందని సీజీటీ యూనియన్ అంచనా వేసింది. పారిస్‌ సహా స్ట్రాస్‌బర్గ్, రెన్నెస్ తదితర నగరాల్లో ఆందోళనకారులకు, పోలీసులకు మధ్య భారీ ఘర్షణలు చోటుచేసుకున్నాయి. నిరసనకారులు పోలీసులపైకి రాళ్లు, ఇతర వస్తువులను విసిరారు. శాంతియుతంగా ప్రారంభమైన […]

ఆపరేషన్ ట్రైడెంట్‌’ పేరుతో డ్రగ్స్ నియంత్రణపై కేంద్ర హోంశాఖ మంత్రి అమిత్‌షా పోస్టు చేశారు. అక్టోబర్ 23న అసోం, మిజోరం, మణిపూర్‌లోని 38 ప్రాంతాల్లో జరిగిన దాడులను వివరించారు. 18 మందిని అరెస్ట్ చేసినట్లు పేర్కొన్నారు. అంతర్జాతీయ నార్కో-కార్టెల్‌ను నాశనం చేశామని వెల్లడించారు. ఈ క్రమంలో రూ.100 కోట్ల విలువైన హవాలా లావాదేవీలు బయటపడ్డాయని.. 1,424 బ్యాంక్ ఖాతాలు ఫ్రీజ్ చేసినట్లు తెలిపారు. 2029 డిసెంబర్ 31 నాటికి మాదకద్రవ్యాల ముఠాలను నిర్మూలించాలని పేర్కొన్నారు.

ఆగ్నేయ బంగాళాఖాతంలో కేంద్రీకృతమైన వాయుగుండం రాబోయే రోజుల్లో క్రమంగా బలపడి తుపానుగా మారనుందని వాతావరణ శాఖ అధికారిక ప్రకటనలో స్పష్టం చేసింది. అక్టోబర్ 28న తెలంగాణలోని మూడు జిల్లాలకు రెడ్ అలర్ట్ జారీ చేసింది. ముఖ్యంగా ములుగు, భద్రాద్రి కొత్తగూడెం, ఖమ్మం జిల్లాల్లో అత్యంత భారీ వర్షాలు లేదా కుంభవృష్టి కురిసే అవకాశం ఉందని స్పష్టం చేసింది. ఇదే సమయంలో ఉత్తర, తూర్పు మరియు దక్షిణ తెలంగాణ జిల్లాల్లోనూ భారీ వర్ష ప్రభావం కనిపించనుంది.