మున్సిపల్ ఎన్నికల ప్రక్రియపై మంత్రి నారాయణ పూర్తి స్పష్టత ఇచ్చారు. ఎన్నికల నిర్వహణకు సంబంధించి పలు పిటిషన్లపై న్యాయస్థానాల్లో ప్రస్తుతం విచారణలు జరుగుతున్నాయని ఆయన తెలిపారు. కొన్ని కీలక అంశాలపై కోర్టులు తీర్పులను రిజర్వులో ఉంచగా, మరికొన్ని పిటిషన్లపై వాదనలు కొనసాగుతున్నాయి. న్యాయపరమైన చిక్కులన్నీ తొలగి, కోర్టు నుండి పూర్తి క్లియరెన్స్ వచ్చిన వెంటనే ఏపీ వ్యాప్తంగా మున్సిపల్ ఎన్నికలు నిర్వహించడానికి ప్రభుత్వం సిద్ధంగా ఉందని మంత్రి స్పష్టం చేశారు.
