మణిపూర్లోని చందేల్ జిల్లాలో కల్తీ మద్యం తీవ్ర విషాదాన్ని నింపింది. గత మూడు రోజుల వ్యవధిలో విషపూరిత మద్యం సేవించిన కారణంగా 12 మంది మృత్యువాత పడ్డారు. అంతేకాకుండా, మరో 180 మంది తీవ్ర అస్వస్థతకు గురికావడంతో వారిని సమీప ఆస్పత్రులకు తరలించి అత్యవసర చికిత్స అందిస్తున్నారు. ఈ దుర్ఘటనలో మరణాల సంఖ్య రోజురోజుకూ పెరుగుతుండటం ఆందోళన కలిగిస్తోంది. బాధితులంతా పొరుగునే ఉన్న కక్చింగ్ జిల్లాలోని సుగ్నూ ప్రాంతం నుంచి ఈ మద్యాన్ని కొనుగోలు చేసి సేవించినట్లు ప్రాథమిక విచారణలో వెల్లడైంది.

