భారతీయ జనతా పార్టీ ప్రకటించిన నూతన జాతీయ కార్యవర్గంలో ఆంధ్రప్రదేశ్ భారతీయ జనతా పార్టీ నాయకురాలు దగ్గుబాటి పురందేశ్వరికి అత్యున్నత ప్రాధాన్యత లభించింది. పార్టీ నూతనంగా నియమించిన 13 మంది జాతీయ ఉపాధ్యక్షుల జాబితాలో ఆమెకు చోటు దక్కింది. ఆంధ్రప్రదేశ్‌లో కూటమి ప్రభుత్వం అధికారంలో ఉన్న తరుణంలో, రాష్ట్రం నుంచి ఆమెకు జాతీయ ఉపాధ్యక్ష పదవి కట్టబెట్టడం ద్వారా పార్టీ బలోపేతానికి, జాతీయ స్థాయి సమన్వయానికి మరింత ఊతం లభిస్తుందని పార్టీ శ్రేణులు హర్షం వ్యక్తం చేస్తున్నాయి.