తెలంగాణ మున్సిపల్ ఎన్నికల పోలింగ్ కొనసాగుతోంది. ఓ వైపు పోలింగ్ జరగుతున్నా.. మరోవైపు ప్రలోభాల పర్వం నడుస్తూనే ఉంది. తాజాగా..మేడ్చల్ మున్సిపాలిటీలో నకిలీ వెండి కాయిన్స్ కలకలం రేపాయి. ఐదో వార్డులో ఓ ప్రధాన పార్టీ అభ్యర్థి ఓటర్లకు నకిలీ వెండి కాయిన్లు పంపిణీ చేశారు. దీంతో పలువురు ఓటర్లు అభ్యర్థిపై తిరుగబడ్డారు. కోటెడ్ వెండి కాయిన్లు పంపిణీ చేస్తావా..? అంటూ ఫైరయ్యారు. ఈ ఘనపై ప్రత్యర్థి పార్టీ అభ్యర్థులు ఆగ్రహం వ్యక్తం చేస్తున్నారు.
