ఓటరు జాబితా ప్రత్యేక సమగ్ర సవరణ (ఎస్​ఐఆర్​) 2.0లో భాగంగా పనిచేస్తున్న బూత్​ లెవల్ ఆఫీసర్లు(బీఎల్ఓ), ఇతర అధికారులు, బంగాల్​ సహా ఇతర రాష్ట్రాల్లో బెదిరింపులకు గురవుతుండడాన్ని సుప్రీం కోర్టు తీవ్రంగా పరిగణించింది. “ఎస్​ఐఆర్​కు సహకరించకపోవడం, బీఎల్​ఓల పనికి ఆటంకాలు కలిగించడం, బెదిరించడం లాంటి ఘటనలను మా దృష్టికి తీసుకురండి. మేము వారికి తగిన ఉత్తర్వులు జారీ చేస్తాం” అని ఈసీ తరఫున హాజరైన సీనియర్ న్యాయవాదికి ధర్మాసనం చెప్పింది.