మూడు రోజుల పర్యటన నిమిత్తం ఫిలిప్పీన్స్లో ఉన్న ప్రధానమంత్రి నరేంద్ర మోదీ, మంగళవారం రాజధాని మనీలాలోని అత్యంత పురాతన సిక్కు ప్రార్థనా మందిరమైన చారిత్రాత్మక ‘గురుద్వారా ఖల్సా దివాన్’ను సందర్శించారు. వందేళ్లకు పైగా చరిత్ర కలిగిన ఈ గురుద్వారా పునరాభివృద్ధి (రీడెవలప్మెంట్) పనులకు ప్రధాని మోదీ శంకుస్థాపన చేసి, పనులను ప్రారంభించారు. “మనీలాలోని గురుద్వారా ఖల్సా దివాన్ను సందర్శించడం నాకు ఎంతో ఆశీర్వాదంగా, ధన్యతగా అనిపిస్తోంది” అని పేర్కొన్నారు. ప్రారంభోత్సవంలో పాల్గొన్న ప్రధాని మోదీ, అక్కడి సిక్కు సమాజం (సంగత్) సభ్యులతో ఎంతో ఆప్యాయంగా ముచ్చటించారు.