మెదక్ జిల్లా నర్సాపూర్ లో మాజీ మంత్రి హరీశ్ రావు ఎదుట రైతులు కన్నీరు పెట్టారు. కాంగ్రెస్ పాలనలో కరెంటు రాక, సాగునీరు అందక చేతికొచ్చిన వరి పంటలు కళ్లముందే ఎండిపోయాయని, సకాలంలో కరెంటు అందక తన 7 ఎకరాల వరి పంట పూర్తిగా ఎండిపోయిందని కుమార్ అనే రైతు కంటతడి పెట్టుకున్నారు. వందలాది ఎకరాల్లో పంటలు ఎండిపోయి రైతులు అప్పుల పాలవుతున్నా, ప్రభుత్వం పట్టించుకోవడం లేదని,కాంగ్రెస్ ప్రభుత్వం రైతుబంధు పూర్తిగా ఎగ్గొట్టారని రైతులు ఆవేదన వ్యక్తం చేశారు.