సీఈసీ జ్ఞానేశ్ కుమార్ రాజీనామా చేసే వరకు పోరాటం ఆగదని ‘కాక్రోచ్ జనతా పార్టీ’ (సీజేపీ) అధికార ప్రతినిధి సౌరవ్ దాస్ స్పష్టం చేశారు. ఎస్ఐఆర్, ఎన్నికల ప్రక్రియలో జరిగిన అవకతవకల విషయంలో కేంద్ర ఎన్నికల సంఘం వైఖరిని నిరసిస్తూ అక్టోబర్ 10న దిల్లీలోని జంతర్ మంతర్ వేదికగా నిరసన ప్రదర్శన నిర్వహించనున్నట్లు పేర్కొన్నారు. ఈ నేపథ్యంలో దిల్లీ పోలీసులకు రాతపూర్వకంగా సమాచారం ఇచ్చినట్లు చెప్పారు. సీజేపీ తలపెట్టనున్న నిరసన ప్రదర్శనకు దేశవ్యాప్తంగా ఉన్న యువత, ముఖ్యంగా ‘జెన్ జీ’ భారీగా తరలిరావాలని ఆయన పిలుపునిచ్చారు.