రాజన్న సిరిసిల్ల జిల్లా తంగ్గళ్ళపల్లి మండలం బస్వాపూర్ చెందిన సతీష్‌ అనే యువకుడు మస్కట్‌లో పీకల్లోతు సమస్యల్లో చిక్కుకున్నాడు. తినడానికి సరైన ఆహారంలేక, రోజులు గడవడం కూడా కష్టంగా మారింది. తన పరిస్థితిని ఎవరికీ చెప్పుకోవాలా..? అని ఆవేదనతో కన్నీరు పెట్టుకున్న సతీష్‌ చివరకు తన బాధను సెల్ఫీ వీడియో రూపంలో బయటపెట్టాడు. ఈ వీడియోలో సతీష్‌ తన గోడునంత వెల్లగక్కాడు. నన్ను భారత్‌కు తీసుకెళ్లండి. ‘మా అమ్మా నాన్న దగ్గరికి వెళ్లాలనుంది‘ అంటూ కన్నీళ్లు పెట్టుకున్నాడు.

జహీరాబాద్ లోని (TMREIS) తెలంగాణ మైనారిటీ గురుకుల పాఠశాలలో చదివి ఎంబీబీఎస్‌లో సీటు పొందిన విద్యార్థులను బీఆర్ఎస్ వర్కింగ్ ప్రెసిడెంట్ కేటీఆర్‌, మాజీ మంత్రి హరీశ్‌రావు సన్మానించారు. ఎంబీబీఎస్ సీట్ సాధించిన మైనార్టీ విద్యార్థులకు, వారి తల్లిదండ్రులను కేటీఆర్ , హరీశ్‌ రావు శాలువతో సత్కరించి సన్మానించారు. భారతదేశంలో ఎక్కడా లేని విధంగా తెలంగాణలో 203 మైనార్టీ గురుకులాలు ఏర్పాటు చేసింది కేసీఆర్ అని స్పష్టం చేశారు.

ఐర్లాండ్‌ అధ్యక్ష ఎన్నికల లో వామపక్షవాద స్వతంత్ర నేత కేథరీన్‌ కన్నోలి ఏకపక్షంగా ఘన విజయం సాధించారు. ఆమెకు సిన్‌ ఫెయిన్‌తోపాటు వామపక్ష పార్టీలన్నీ మద్దతిచ్చాయి. దాంతో ఆమె ప్రత్యర్థి, సెంటర్‌ రైట్‌ పార్టీ అయిన ఫైన్‌ గాయెల్‌ అభ్యర్థి హీథర్‌ హంప్రేయ్స్‌ ఘోర పరాజయం పాలయ్యారు. ఈ ఎన్నికల్లో కేథరీన్‌కు మొదటి ప్రాధాన్య ఓట్లలోనే ఏకంగా 63 శాతం ఓట్లు దక్కాయి. గాజాపై ఇజ్రాయెల్‌ దాడులను ఆమె బహిరంగంగా వ్యతిరేకించారు. ఇజ్రాయెల్‌ను టెర్రరిస్టు దేశంగా అభివర్ణించారు.

దేశవ్యాప్తంగా సంచలనం సృష్టించిన కర్నూలు బస్సు దుర్ఘటనలో మరణించిన వారిలో 19 మంది మృతదేహాలను కుటుంబ సభ్యులకు అప్పగించినట్లు జిల్లా ఎస్పీ విక్రాంత్‌ పాటిల్‌ తెలిపారు. మూడు రోజుల అనంతరం ఎఫ్‌ఎస్‌ఎల్‌ నివేదికల ఆధారంగా 19 మృతదేహాల్లో 18 మృతదేహాలను కుటుంబ సభ్యులకు అధికారులు అప్పగించారు. మరణ ధ్రువీకరణ పత్రాలను కూడా వారికి అందించారు. మృతదేహాలను స్వస్థలాలకు చేర్చేందుకు అంబులెన్స్‌లు ఏర్పాటు చేశారు.

తిరుమల తిరుపతి దేవస్థానంలో భక్తులకు నిత్యాన్న ప్రసాదంలో ఉపయోగించే.. పవిత్ర నెయ్యి ఇప్పుడు కొత్త రూపంలో నిల్వ చేయనున్నారు. ఆధునిక సాంకేతికతతో, అధిక నాణ్యతతో, దీర్ఘకాల నిల్వ సామర్థ్యంతో కొత్త ట్యాంకులు, యంత్రాల నిర్మాణం వేగంగా సాగుతోంది. ఈ ప్రాజెక్ట్ వెనుక ఉన్న పెద్ద చేయి.. చెన్నై సూపర్ కింగ్స్ (CSK) టీమ్ అధినేత, ప్రముఖ పారిశ్రామికవేత్త ఎన్. శ్రీనివాసన్. ఆయన సహకారంతో మొత్తం 2.24 లక్షల కిలోల నెయ్యిని నిల్వ ఉంచే సామర్థ్యంతో నాలుగు కొత్త […]

దేశంలో మొత్తం 22 ఫేక్‌ యూనివర్సిటీలు ఉన్నాయని ‘యూనివర్సిటీ గ్రాంట్స్‌ కమిషన్‌ (UGC)’ హెచ్చరించింది. ఢిల్లీలోని కోట్లా ముబారక్‌పూర్‌లోగల ఇన్‌స్టిట్యూట్‌ ఆఫ్‌ మేనేజ్‌మెంట్‌ అండ్‌ ఇంజినీరింగ్‌ సంస్థ విషయంలో యూజీసీ మరోసారి హెచ్చరికలు చేసింది. ఆ యూనివర్సిటీ అనుమతులు లేని డిగ్రీ కోర్సులను నిర్వహిస్తోందని పేర్కొంది. ఆ సంస్థ జారీచేసే డిగ్రీలకు ఎలాంటి విలువ లేదని తెలిపింది. అసలు ఈ విశ్వవిద్యాలయాన్ని కేంద్ర, రాష్ట్ర ప్రభుత్వలకు సంబంధించిన ఏ చట్టాలకు లోబడి ప్రారంభించలేదని యూజీసీ స్పష్టం చేసింది.